عام من التدوين .. عام من الحب

قد أكون لم أحقق أهدافى من التدوين كاملة .. كنت أرغب فى أن يكون لتدوينى رسالة يؤديها .. اترك شيئا يذكرنى بكل خير بعد مماتى .. ولا أعلم لأى مدى حققت هذه الأهداف .. ألا أننى على الأقل حققت الهدف الأساسى من المدونة .. الهدف المتوافق مع تسميتها بتنفيس .. رغم أننى أيضا فى معظم الأوقات لم اجرؤ على التنفيس بحالتى وأثرت الهروب
دعونا من كل هذا

المهم أننى حققت من التدوين ماهو أكبر من ذلك كله .. حققت كنزا .. لا اعتبر ماحققته مجرد عزاء عن ما لم أحققه .. بل هو أكبر حتى أصبح أحد أهدافى الأساسية من التدوين .. حققت عائلة كبيرة جدا من أخوانى وأخواتى المدونين والمدونات .. عائلة أفخر أننى منهم ومعهم

أمس ومع دقات الساعة الثانية عشر لتعلن بدء يوم ال 16 من أغسطس .. تكون تنفيس - مدونتى المتواضعة - أتمت عامها الأول بسلام وبحب متبادل بينى وبين كل المدونين .. فليحينى الله لاحتفل بها وبكم فى العام القادم

بجد عايز اقول انى فرحان بكم الأصدقاء اللى حققته من التدوين .. وانتوا احلى حاجة حققتها من التدوين .. باترعب جدا من فكرة أنى ابعد عن المدونة .. لأنى اتعودت عليكم .. ويكفى أنى بأقضى معاكم وقت أكتر من اللى بأقضيه مع أسرتى وعيلتى وأصحابى
ادام الله حبى لكم وحبكم لى
وأسال الله دوما أن أكون عند حسن ظنكم

-----------------------------------------------------

الحمد لله كما ينبغى لجلال وجهه وعظيم سلطانه

نتيجتى طلعت رسميا .. الحمد لله نجحت بعد كفاح 4 سنين واتخرجت .. وأبتدت حياتى العملية مع الصحافة والإعلام

جايز تكون فرحتى قلت شوية عشان كنت عارف الخبر من بدرى ولكنى انتظرت لما تطلع رسمى .. والحمد لله تتويج من المولى عزوجل .. مش مذاكرة ولا مجهود ولا تعب ولا جهد بقدر ما نجاحى وتخرجى بتقدير عام جيد هو رحمة وكرم من الله اللى دايما بيكون معايا ودايما مش بيخذلنى حتى وأنا فى أشد الأقات تقصيرا معاه وغفلة عنه .. لك الحمد ولك الشكر يارب العالمين
أسال الله أن يساعدنى على تحقيق أهدافى
ودعواتكم معايا

-----------------------------------------------------

قريب أن شاء الله هانزل قصتى الثانية من مجموعتى القصصية المتواضعة الأمل والسراب
ودا لينك القصة الأولى عشان اللى ما قرهاش .. يقرأها عشان تكونوا متابعين معايا .. والتعليق عليها أو على أى بوست غيرها مفتوح دائما .. ويارب تعجبكوا

الأمل والسراب

دعواتكم أنى احقق أحد احلامى فى أن أول مجموعة قصصية ليا تشوف النور وتتنشر

------------------------------------------------------

فى أطار حالة غامضة باعيشها
بدلت أغنية زمان وأنا صغير بأغنية هتعمل أيه
أكيد فى ترابط بينها وبين حالتى دلوقتى .. بس هوا أيه ما أعرفش

بس ممكن عشان محتاج اركز شوية وأنا بابص فى المراية

محتاج أعرف أنا مين .. أنا زى ما أنا ولا اتقسمت اتنين

منتظرك تقول .. ياللى فى المراية
بس هأفضل محتفظ بلينك أغنية زمان وأنا صغير لانها مرتبطة بيا
دا غير انى غلبت عقبال مالقيتها