22 October, 2007

الأمل و السراب


الأمل و السراب

نظر للمرة الأخيرة إلى المرآة ليتأكد من أناقته وتصفيفة شعره .. غادر منزله واتجه مباشرة نحو موقف الميكروباص .. لم يكن الحال أسوأ من ذى قبل فقد وجد الميكروباص واقفا ومازالت هناك اماكن شاغرة به .. ركب واختار المقعد الخلفى ليكون بعيدا عن احتكاكات الزحمة فى هذه الساعة من الصباح .. نظر إلي ساعته .. اطمئن إلى أنه بذلك لن يتأخر على موعد العمل
امتلئ الميكروباص الا من مقعد واحد

هنا

هنا وقعت عينه عليها .. كانت مفأجاة كبيرة بالنسبة له .. لم يكن يتوقع .. لم يضع احتمالا .. تخبطت مشاعره بقوة .. هل هو فرح برؤيتها؟ .. ام أنه يود لو لم يكن يحدث؟
انه يرأها من الشباك .. انها متجهة ناحيته .. انها متجهة ناحية نفس الميكروباص .. استقلت الميكروباص وجلست على المقعد الخالى خلف السائق مباشرة
عندما دخلت وملأ عطرها الميكروباص بالكامل .. سرت في جسده قشعريرة من أعلى رأسه وحتي قدمه .. ارتفعت حرارة جسمه .. من ينظر إليه فى هذه اللحظة يبدو له وكأنه يعانى نوبة مرضية
تحرك الميكروباص .. ماذا يفعل؟ .. بالتاكيد يجب أن لا يتركها تدفع لنفسها .. أنه لا يعلم حتي أن كانت علمت بوجوده .. لم يجد فى جيبه فكه .. أقل فئة ورقية معه خمسة جنيهات
اخرجها سريعا .. يديه ترتعش .. سقطت منه الخمسة جنيهات ارضا .. شعر من بجواره أنه مرتبكا متوترا .. مد يده لمن امامه .. وقال بصوت كان يرغب فى أن يكون مرتفع لكى تسمعه ولكنه فشل

خد اتـ .. اتنين ، وماتخليش الأنسة اللى اُدام تدفع

قالها متلعثما .. كل هذه الحالة التى انتابته من مجرد رؤيتها فقط .. وهذا كله لأنه مازال يحبها وسيظل يحبها .. مر امام عينيه شريط قصة حبهما الجميلة .. 3 سنوات من الحب الذى جمعهما .. بل 3 سنوات من العشق ، من الهيام .. تذكر كل هذا .. تذكر حتى كيف انتهت قصة الحب الجميلة .. لم يكن يرغب فى أن تنتهى ، ولا حتي هى كانت ترغب .. ولكنه ماحدث لقد كان هو السبب .. لقد ظلمها

وبعد مرور 3 سنوات على انتهاء قصتهما .. مازال يحبها .. حريص على أن يعرف اخبارها .. رغم أنه يتمنى لها الخير و السعادة من قرارة نفسه
الا أنه حينما يسأل عنها .. يرتجف لمجرد تخيله أن يسمع أن احدا تقدم لها .. يتنهد ويرتاح حينما يطمئن أنه لم يحدث
وذلك لأنه يتمنى أن تكون من نصيبه .. مازال يضع املاً ولو صغيراً أن يعودا لبعضهما
فاق على صوت السائق منبها أنه أخر الخط .. بدأ الركاب فى النزول .. نزلت ولم تستدر حتى إليه
اقترب من السائق سريعا .. يطلب منه باقى الخمسة جنيهات .. اعتذر له السائق عن نسيانه وأعطي له الباقى .. كان الباقي 4 جنيهات .. نظر إلي الباقى متعجبا
وقال للسائق
خد ياأسطى ده جنيه زيادة .. أنا كنت دفعلك اتنين من الخمسة
رد السائق
لا ياحضرت .. الأنسة اللى انت دفعتلها .. رفضت وقالت انها هتدفع لنفسه
ا

كان لو تلقى طلقة من مسدس أو حتي قنبلة اهون عليه من هذا الرد
هوى قلبه ارضاً .. لو كان السائق دقق قليلاً في عينيه .. للاحظ تلك الدموع التى تزاحمت فى عينيه تتسابق على الانسيال
اشاح بوجهه بعيدا وحاول السيطرة على نفسه .. نزل من الميكروباص سريعا
ينظر فيما حوله باحثا عنها .. يمينا يسارا .. امامه خلفه .. لم يرأها .. عيناه تبحث فى كل مكان كالطفل الذى يبحث عن أمه بعد أن شعر بالضياع .. عيناه نقبت الميدان بالكامل
ولكنه لم يجدها .. لم يجدها
وكأنها فص ملح وداب
لم يجدها .. لم يجدها
وكأنها كانت سراب

108 comments:

كلمات تأتى وتختفى فجأة said...

السلام عليكم ورحمة الله وبركاته
عامل ايه يا ابو صلاح يارب تكون بالف خير
لكن الاغنية اللى انت حاططها للاسف مش بتقول انك كويس
معلش مش هاقدر ارد على البوست الصعب ده دلوقتى هارد عليه بعدين اولا لانى مريضة
وثانيا لانى بكره الاحساس اللى الشخص ده حسه خليتنى بكيت الله يسامحك
مع انى مجربتوش لكن بيصعب عليا كل اللى يمر بيه

فى القلب said...

طب ليه العذاب ده

مش عارفه احنا غاوين نعذب نفسنا ليه

طب مناخد الحياه ببساطه اكتر


سمعاك بتقلى أزاى
أقولك يا سيدى




واحد مرتبط بواحده ثلاث سنوات حب يعنى عنده رقم تليفون عنوان موبايل


ميتصل يمكن هى مستنيه الخطوه دى بطل كسوف و أتكل على الله

عارف يا أبو صلاح لو هو مش لسه جواها كانت قبلت موضوع الدفع ده عادى
لكن هى قاصده توجعه زى ماهى لسه موجوعه بحبه
يا أبو صلاح قول للأنسان ده يتحرك بسرعه و يعمل حاجه قبل فوات الأوان


بقلك بسرعه مستنى ايه يلاااااااااااا

حبة حاجات (ايمان) said...

اخخخخخخ
انا حسه انى انا اللى اتوجعت
بجد مش عارفه اقلك ايه بس معلش

ويمكن الل تعبك اكتر انك كان عندك امـــــــل

بس اكيد هتلاقى اللى تدفعلها الاجره فى يوم من الايام

وتحياتى ليك يا ابوصلاح

مواطن زهقان said...

بجد يااحمد بوست رائع

تسلم ايدك

الإنكشاري said...

حكاية النوبة المرضية و جملة اذا كان لا يعرف اذا كان سعيداً او يتمنى ألا يحدث

ما يقولشي هذا لاكلام إلا واحد عاش التجربة أو جزء منها,كلام حلو جداً يا أبو صلاح

Meekness !!! said...

سلام تالله عليك
و حمد اله عا السلامه يا احمد
جميله جميله جميله قوي القصه دي
و لو اني حاسه انها حقيقيه
بس انت بتقول 3 سنين
اكيد يعني بينهم اكتر من الحب اكيد برضه
و اكيد كمان في ال 3 سنين دول عارف عنها بالتالي كل شيئ
غير الموبايل و بيتها كليتها او شغلهعا ملا
يعني لو عايز يوصلها هيوصلها
يه ما يروحلهاش
ما دام هوه متمسك بيها كده
ما دام بيحبها كده
هوه مستني ايه
لو مدايق لو انها هتتخطب لغيرة
يعمل حاجه عشانها





بس واضح انها هيا كرهته اصلا
واضح انه ندل معاها
و هيا ادركت كده


تحياتي ليك يا احمد
كانت قصه شدتني قوي
و المتني كمان

.
زيــزي

الباحث عن الحقيقة said...

السلام عليكم يا حماده
بس اول ما قلت مد ايده والخمسة جنية سقطت ارضا ..قلت التفصيلة الصغيرة دى محدش يكتبها إلا لو كانت دى تجربة حقيقة
جايز السواق مابصش فى عنيك علشان يشوف الدموع المتزاحمة
بس صدقنى انى شفتها وبكيت
لو كانت القصة دى من وحى خيالك فأنا احييك انك استطعت توصل احساس بطل القصة لجميع القراء
بس كقصة كان لازم تتوسع اكتر يعنى انت هنا قدمت مشهد كان لازم تفكر البطل وتفكرنا بسبب الخلاف وتعمل فلاش باك كده وهو قاعد فى الميكروباص وتكشف المستور يا حج
بالتوفيق يا بطل

My Hope$ said...

سلام عليكم
حمدلله علي السلامة
ياتري كنت غايب لية
يارب يكون خير
الامل والسراب
نفسي افهم حاجة
لية اي حد بيلاقي حب حقيقي ويضيعة من ايدية
يعني في ايديك ترجع الحب دة تاني
ومتبقاش ظالم
الله اعلم اية الدافع ورا انتهاء القصة تبقي تحكلنا القصة باظت ازاي
وبعدين طالما خايف عليها قوي وكمان خايف لتكون اتخطبت طب لية تسبها مستني اية
الدنيا تطورت دلوقتي ممكن تكلمها من غير صدفة ولا حاجة
يلا اسلوبك لذيذ و يارب اللي فية الخير يحصلك دايما
سلاممممممممم

Che The Sad said...

ايه دا يا مان
انت خلتنى اعيش جوا الميكروباص
من دا على طول
كان عندي كام تعليق ع القصة
بس اللى سبق قال كل الكلام

عموما
تحياتى ..،
تشي

ما علينا said...

كل كلمة بتقول انها حقيقة
مش قصة من وحي الخيال

وزي الباحث عن الحقيقة ما قالك
لو من وحي خيالك يبقى فعلا احييك جدا جدا
ومازلت مصرة انها قصة حقيقية

انت ما قلتش ظلمها ازاي
بس قلت ان كان في حب قوي
والاتنين ماكانوش عاوزين ينهوه

بس هو ظلمها
طيب يعني يظلمها
وبسهولة كدا عاوز يتعامل معاها عادي
بعد 3 سنوات

طيب دلوقت ما يقدرش يصلح غلطه ويرفع الظلم دا
مفيش فرصة خالص

على رأي صديقى عزيزة على جدا
اللي بيحب لازم يعرف يحب ازاي

هو يقى ما عرفش يحبها من البداية صح

على اد ما انا حزينة له
لكن ما اقدرش اقول غير
انه هو اللي عمل كدا في نفسه

واما انه ياخد خطوة للتصحيح
يحاول ويستميت في محاولته

او ينسى
صحيح صعب ومؤلم لكن مافيش مفر
ينسى يتناسي
لحد ما يلاقي اللي تسيبه يدفع لها الاجرة


بلاش يقعد يندب حظه ويتحسر على ما فات
خليه يفكر بايجابية


ولو القصة كلها خيال
ما تبقاش تعملا تاني
لانك بجد
عيشتنا لحظة صعبة
مش لازم الابداع يبقى بالروعة دي

SunShine said...

it's really amazing so touchy and close to the heart...i felt it alot coz it tells alot abt myself..as if i'm the one saying it..gr8 job ;)

حياة الأحلام said...

السلام عليكم

أولا الأغنيه بجد اللى أنت حاططها أنا بحبها اوى وكلماتها جميله جدا

أما القصه معرفش ليه عينيه دمعت فيها أحساس جميل حاسه انه حقيقى منك أوى

ومش عارفه أرد بأيه
غير أن الحب الحقيقى بيجى مره واحده فى حياة الأنسان
أى نعم أنا ما جربتش الحب بس يوم ما هحب مش هقدر أنسى أبدا

تحياتى على القصه اللى مليانه أحساس

yasmine said...

هو ده بجد ولا قصة مألفها
شكلها بجد صح وشكلك مكتئب كمان وانا مكتئبة اكتر
لو الموضوع ممكن يرجع تانى خلاص حاول ترجعوا لبعض وحل المشاكل لو الموضوع انتهى خلاص حاول تنسي

إنـســـانـة said...

عبيطة .. حد فى الدنيا يلاقى حد يدفعله الميكروباص ويرفض !!!! بنات آخر زمن صحيح

:D

قصة جميلة جدا

خالص تحياتى

عبد الرحمن أبو بكر said...

أبو صلاح

ياااااااااااااااااااااااا أبن الايه
دا انت طلعت عفريت كتابة

انا هأقول علي سر لانه ماينفعش ما اقولوش

انا كنت راكب مع أبو صلاح في الميكروباص معاه

والموقف دة حصل فعلا

بس مش فعلا قوي اجزاء منه حصلت بجد

والاجزاء التانية من تفكيره هو

بجد طلعت عفريت في الخمس دقايق اللي حصل فيهم الموقف دة تطلع القصة الجامدة دي

والله يا واد معلم

اه نسيت صحيح

يا جماعة باركوا لاحمد خطب اخيرا بنوتة زميلتنا في الدفعة اسمها منة

يلا يا عم قصة وخطوبة مرة واحدة

abo salah said...

بعد السلام عليكم و رحمة الله و بركاته

إلي كل المدونين

قبل بس ماأرد علي المدونين كلا علي حدة
احب اقول بس كذا حاجة

أولا والله فعلا كلكم وحشتوني بجد بجد .. و خلاص انا دلوقتي ارتبطت بيكم كلكم و مقدرش استغني عنكم .. لانكم كلكم حبايبي والله

وبرضه عايز اعتذر عن تقصيري معاكم .. وتأخري في زياراتكم .. بس لأني فعلا كنت مشغول شوية .. وده برضه اللي خلانا أتاخر في التدوين

وانشغالي ده بسبب عملنا في مشروع التخرج .. دعواتكم معانا بقي

ندخل بقي في القصة

بجد أنا ضحكت جدا لما لقيت الاصرار العجيب ده علي أن القصة حدثت بالفعل

وده في حد ذاته شئ يفرحني لأني قدرت اوصل احساسي

بس فعلا القصة من وحي خيالي .. وبالمناسبة هي مجموعة قصصية قصيرة بعنوان الامل و السراب أنا كتبتها .. ودي اول قصة منها


والنقطة الاهم
هي أنه جايز أن القصة تقصد القصة ذاتها .. يعني احداثها

وجايز القصة تقصد تلك الأشياء التي تكون في متناول أيدينا و بتقصيرنا تجاه تلك الأشياء تتحول إلي أمل بعد أن كانت ملموسة .. وبمزيد من التقصير يصعب حتي تحقيق الأمل و يتحول إلي سراب

علي سبيل المثال لا الحصر ولا التحديد
يمكن أن تقصد الوحدة العربية مثلا .. التي كانت في متناولنا و تحولت بعد ذلك إلي أمل .. حتي جعلناها نحن بأيدينا سرابا

أيضا ممكن أن تقصد
التقرب من الله
من يكون تقربه من الله بيديه .. ولكن تستهواه الدنيا و شهواتها .. فيظلم قلبه و يصبح أملا له .. حتي يصل لنهايته التي كان يعتقد انها بعيدة و يصبح الامر سرابا صنعه بيده ايضا

وهناك امثلة عديدة

اما ماهو مقصود تحديدا من القصة فمتروك لقارئها


ولكي أكون اكثر دقة .. هناك بالفعل جانب حقيقي منها
لأن دايما تجد في القصة جانبا حقيقيا

الجانب الحقيقي هو أن البطل بالفعل ركب الميكروباص .. البطل الذي لا يشترط أن يكون أنا .. وعلي العكس كان هوه جالس اماما .. و ركبت حبيبته السابقة و جلست بالخلف و بالتاكيد تخبطت مشاعره .. ولكنه اخيرا نظر اليها وأشار لها بيده .. أن لا تدفعها أنا خلاص دفعت .. لم تقل شيئا وفي أخر الخط نزلت وهو نزل ولم يتكلما

وكل مافي الامر اني تخيلت الموقف لو كان بالعكس .. لو كانت رفضت يعني أنه يدفعلها ياتري كان هيشعر بأيه؟

دي كل الحكاية


أخيرا بقي

اوعي ياجماعة تصدقوا صديقي عبد الرحمن .. أنا ولا خطبت ولا حاجة

دي احدي مقالبه اللي هريني بيها .. بمعني ادق هوه بيردلي مقلب عملته في .. بس مكنتش اعرف أنه هيردلي المقلب اونلاين كده

ماشي ياعوبد .. يارئيس جمعية مروجي الأشاعات

اخطب .. اخطب أيه يابني؟
ياريت بس الحق اعملها قبل ما اموت
واكيد يعني لو هاعملها انتوا اول ناس هتتعزم

كده تتطلع اشاعة عليا ياعوبد
فرضا دلوقتي أنا حاطط عيني علي حد يعني
تقول أيه بقي
هههههههههه

ماشي ياعوبد تتردلك علي القريب العاجل

تحياتي ليكم يااصدقائي و اخواني واخواتي المدونين
وربنا ما يحرمنا منكم دايما

وطبعا أنا هأرد علي كل مدون علي حده
ولكن ده بس لتوضيح الأمور

Anonymous said...

ايه يالماضه ده قطعت قلبى بجد حلوه قوى يااحمد بس كان نفسى تقول تفاصيل اكتر شويه عموما بعد كده ابقى اركب قدام جمب السواق وريح دماغك وياريت ماتبقاش تاخد عبد الرحمن معاك فى اى مكان تانى لانه فضحك ياجماعه عايزه اقول حاجه كمان ان منه ديه خطيبه عبد الرحمن مش احمد عيب عليك ياعبد الرحمن ديه حتى البت بتحبك

Che The Sad said...

مشروع تخرج ربنا يكملهالك على خير يا راجل دي حاجة متعبه جدا ربنا يسهلك يا رب

أيه دا مجموعة قصصية بحالها
طيب عندك اختيارين
1- تنشر المجموعة كلها على البلوج هنا
2- لو نشرتها فى كتاب يبقي ليا نسخة هدية
3- هما اختيارين اتنين بس اصلا

تحياتى لموهبتك الرائعة ومتحرمناش من قصصك بس بلاش تكون بتقطع القلب كدا

تشي

الخيط الرفيع said...

الملفت في القصه كرم حضرتك الشديد اول ما شفتها قولت تدفع فلوس
ههههههههههههههههه
دي دعابه بسيطه علشان انهمار الدموع
بس قصه جميله فيها مكان واشخاص وماضي ووصف لحظه وعن اكثر ما تحدثت عنه وهو المشاعر التي تكونت داخلك من اول الكلام لاخرة فهو وصف جميل لكنه فيه بعض الغلو انا طبعا بتكلم بصراحة
القصه لها عناصر كتير انت غطيت معظمها لكن هناك عناصر اكثر يمكن يساعدك قوي متابعه كتب ادب في فن القص وتحليل القصص فتعرف تلل قصصك وتخليها تستوفي كل الجوانب
عندي بوست جديد عدي وقول رايك بس بردوا بصراحة

fanan fa2eer said...

أنا قلت آجي أشوف أبو صلاح فين ماجاش عندي بقاله مدة

ولا حتي سأل عني في الامتحانات ولا غيره

يخونك العيش و التاجات اللي بالكنافة اللي بالمكسرات


بقا ياراجل أبقي أنا عندي امتحان جراحة كمان أسبوع وأنا اللي آجي أسأل؟؟؟


ماشي ماعلينا



المهم ياسيدي بالنسبة لموضوع السراب سبحان الله هتلاقيني في البوست الأخير قايلة حاجة زي كدة


القصة حلوة بس طمني هي ليها جزء تاني ولا لأ؟؟؟؟


عموما برده يبدو أنه يستحق من وجهة نظرها هذا القدر من التجاهل
ومما شعرت به في الأحداث أنه يعلم أنه يستحق التجاهل

تبدو واقعية جدا


تحياتي

الأستاذ said...

السلام عليكم يا أبو الصلح
بسم الله
أولاً: إنت وحشتنا أوي ومتأخر كدة ليه؟ علشان مشروع التخرج يلا ربنا معاك ويوفقك
ثانياً: القصة تبدو واقعية فعلاً ومن منا لم يحدث له شيئاً كهذا حتى ولو كان على سبيل التخيل أو حتى الارتجال
ثالثاً: تأثرك بأسلوب أحمد خالد توفيق يبدو واضحاً وهذا ليس عيباً لأنك من الواضح أنك كتبتها في فترة عندما كنت تقرأ له ومعجب جداً بأسلوبه وهذا ما حدث معي الآن فقد قاربت منه في الأسلوب وطريقة الكتابة بالطبع لن أصل لمستواه ولكنني أقصد التأثر هذا لأنني بدأت الآن فقط في قراءة ماوراء الطبيعة للأسف لم أكن أقرأ بطبعي
رابعاً: أنتظر زيارتك لآخر بوست عندي لتأخرك كثيراً "علشان أطلع" زي الميكروباص اللي "صاحبنا" كان راكب فيه ده وفاضل "نفر واحد" متنساش
خامساً: المهم بقى هو البوست الأجدد واللي تقريبا هحطه النهاردة أو بكرة بالكتير لأنه كدة هيفوت وقته
شكراً ومع أطيب التمنيات باللحاق بميكروباص فاضي في الحياة الواقعية وتحياتي
ودي كانت سادساً

الباحث عن الحقيقة said...

بص يا حبيبى
انا كتبت برضه القصة القصيرة
واتعلمت فى نادى الادب بقصر الثقافة انه اوعى تشرح عمل ادبى عملته سواء قصيده او قصة او رسمت لوحه
سيب كل انسان يشوفها بعينه يفهمها براحته لانك يا بطل لو قلت انا اقصد كذا اذا انت اعطيت للقصة او العمل الادبى معنى وتفسير واحد ملزم لكل اللى يقراه فاذا قراه وماشافش اللى انت شرحته هيقول انك ماعرفتش تكتب
وبالتالى ان القصة دى جايز تقصد بيها الوحده العربية او التقرب الى الله اقولك لو كان ده قصدك فعلا يبقى عليه السلام فى القصة
وبعدين ليه بتنكر ان القصة من حيث الفكرة والعناصر الاساسية كانت واقع فعلا ..ماحنا عارفين انك اكيد مكمل حاجات من خيالك
يا راجل بلاش احراج وقلنا بس سبتوا ..او هم سابوا بعض ليه؟

yasmine said...

ازيك يااحمد
انا برضه استغربت خطوبة ايه دلوقتى بس قلت عادى بتحصل
وبالنسبة للقصة حلوة اوى انا فى الاول كنت حاسة انها قصة بس عنى من التعليقات ادونى ايحاء انها حقيقة بس عموما ربنا كمل المجموعة القصصية دى على خير

سلسبيل said...

مثلما شعر بضربات قلبه المتسارعه حين رآها
شعرت
بخفقات قلبها عندما رأته هي..عندما استيقظ حبها الكامن تحت رماد الايام...هي بكت ايضا عندما ترجلت من الميكروباص رافضة عرضه بكل قسوة...لكن كبرياء الانثي الذي يرفض الخضوع لاي كان...كان صاحب الكلمة...الاخيرة

اخي الفاضل
دمعت عيني عند قراءه القصة..ونجحت في صياغتها بصورة حسستني اني معاهم وشايفاهم بعيني
تسلم ايدك

Banota said...

أسلوبك غاية فى الجمال حتى وأن كانت بعض أحداث القصة حقيقية .. وكنك أسطتعت أن تحولها الى قصة درامية رائعة تستهوىك لقرائتها
أحييك على أسلوبك وأنشاء الله ربنا يوفقك فى المشروع .. أدعنا بقى أنت كمان عشان عندنا مشروع تخرج و أنا جالى الضغط منة

abo salah said...

كلمات تأتى وتختفى فجأة

وعليكم السلام و رحمة الله و بركاته

أنا الحمد لله رب العالمين كويس .. وأشكرك على سؤالك الغالى ده

يؤسفنى أن اسمع أنك مريضة
ألف سلامة عليكي .. وأن شاء الله تقومي بالسلامة

وكمان خليتك تبكي وأنت مريضة .. لا حقك عليا بجد

وعامة أنتي تشرفي فى أي وقت .. ده مدونتك زى ماهيا مدونتي

ربنا يعافيكي أن شاء الله .. وابقي طمنينا عليكي

abo salah said...

فى القلب

اولا ياستي بجد بتفرحني زياراتك الجميلة لمدونتي المتواضعة .. ربنا ما يحرمنا منها

كلامك جميل .. ولكن قد تكون هناك ظروف تجعل من الصعب ان يعودا لبعضهما .. وجايز هو يدرك ذلك جيدا لأنه من صنع ذلك بيده

ولكنه لا يستطيع أن يمنع نفسه من أن يعيش علي هذا الامل .. أمل أن يعودا لبعضهما

أنه يحتاج لنصف شجاعة الدنيا علي الأقل لكي يتصل بيها .. والا كان فعلها واعتذر لها عن ظلمه لها

القصة انتهت ولذلك اعتقد أنه فات الاوان
الا بقي لو كان ليها جزء تاني

يارب دايما منوراني

abo salah said...

حبة حاجات (ايمان

أزيك ياإيمان عاملة .. أنتي ضربتي علي التأخير خالص .. ومقولتيش أيه سبب الغيبة دي وكأنك كنتي غايبة يومين بس

عامة ياستي .. اهم حاجة رجوعك بالسلامة ... وكفاية انك افتكرتيني في رجوعك ده

اعتذر أن كنت السبب في توجعك .. ولكن ما بالك بتوجع بطل القصة

ربنا مايوريكي أبدا

قصدك بقي تقولي اكيد البطل هيلاقي اللي يدفعله .. واكيد هوه اللي عنده امل مش أنا

يالا متتأخريش علينا بقي ياستي

soka said...

السلام عليكم
ازيك ياابو صلاح؟
قصه حلو خالص
واسلوب جميل
ربنا يديم عليك نعمة الكتابه يارب
بس تصدق وفرت الجنيه برضه اهو يحيب بيه سندويتش افيدله ههههههههه

abo salah said...

مواطن زهقان

ربنا يخليك يا أبو حميد
أنت اللي رائع بذوقك ده

وأعتذر لك عن تقصيري معك بشدة
بس أنت عارف بقي ياباشا .. مشروع التخرج و عمايله

abo salah said...

الإنكشاري

زيارتك الاولي دي بجد اسعدتني .. وفعلا بأفرح أوي بالوجوه الجديدة علي مدونتي المتواضعة

الصراحة ماعشتش التجربة .. ولكني بالفعل عشت الجزء منها

شهادتك أعتز بها جدا

واتمني دوام التواصل

abo salah said...

Meekness

وعليكم السلام و رحمة الله و بركاته

الله يسلمك دايما يازيزي
شهادتك دي اعتز بيها والله يازيزي
وكفاية أنها جاية من صاحبة البئر و الظمأ بجلالة قدرها

هيا مش حقيقة اوي يعني .. بس فيها جانب حقيقي هتلقيني كاتبه في التعليق العام

المشكلة مش في التليفون ولا في سكنها ولا شغلها ولا كده .. المشكلة هيا فين الجرأة

طالما هوه مقتنع أنه مخطئ حتي النخاع
دا حتي مقدرش يعتذرلها يبقي هيطلب منها الرجوع

لا يازيزي هوه مش ندل معاها .. هو ظلمها

دايما كده منورة المدونة ياستي .. وربنا يخليكي علي الكلام الجميل ده

abo salah said...

الباحث عن الحقيقة

وعليكم السلام و رحمة الله و بركاته

اولا بقي اديني فرصة ارحب بيك في مدونتي المتواضعة

وعلي فكرة أنا برضه من الباحثين عن الحقيقة

نورت المدونة .. وأنا سعيد جدا بتشريفك ده

ياخبر شكلك كده هتكشفني من التفاصيل الصغيرة دي

هوه زي ما ذكرت في جانب من الحقيقة أنا كتبته في اول تعليق خالص .. التعليق العام

والباقي من وحي خيالي .. تخيلته عكس ماحدث في الحقيقة

ملاحظاتك الرائعة دي أكثر ما امتعني .. ولأني يعني مبتدئ و علي أد حالي خالص
فكنت في حاجة لملاحظات مثل ملاحظاتك الجميلة

شهادتك مصدر فخر

abo salah said...

My Hope$

وعليكم السلام و رحمة الله و بركاته

الله يسلمك دايما .. وشكرا عن سؤالك الدائم عني في غيابي

انتي كده بقي هتخليني اتلكك .. وأغيب بالعند عشان تسألي عليا

تعرفي رغم أن ساعات كتير بتبقي في ظروف هيا اللي بتضيع الحب ده

الا انك لو بحثتي ستجدي دائما يدا لنا في ضياعه

وبعدين أيه ده ياستي هيا النصايح دي ليا أنا .. ولا لبطل القصة

ربنا يخليكي علي كلامك الجميل ده .. وشهادتك دي اعتز بيها

abo salah said...

Che The Sad

منور المدونة والله يا أبو حميد

كام تعليق بحالهم

ياعم ولا يهمك .. المدونة مدونتك

بس ما تنسانيش بأراءك و ملاحظاتك

ودايما كده منورني يارب

آخــر قــرصان said...

ياصباح الميكرباصات والشغل الجامد
حبيب قلبى
تصدق ان الفكرة جامدة
انت عارف لظروف سفرى وانت عارف كده بقابل ييجى ميت حكاية وموقف لو زودت حبة كده من عندى حعمل طبخة روائيةجامدة لكن تقول ايه بقى فين الدماغ يا امان
الله يقطع شم الشرابات بقى
هههههه

abo salah said...

ما علينا

أيه ياماعلينا ده
دا انتي بقي مصرة انها حقيقية
ماشي ياستي

وابقي قوليلي بقي سر اصرارك

وعامة
هتلقيني قايل في تعليقي الاول علي الجانب الحقيقي منها .. والجانب اللي من خيالي


هوه ظلمها اه فعلا يا ماعلينا .. بس عارفة ليه ظلمها؟

السبب بسيط
وهو كونه أنسان
وعشان هوه أنسان .. فمش معصوم من الخطأ و لازم يغلط
لأن الخطأ صفة بشرية

وجايز ياماعلينا يكون ظلمها عشان بيحبها زيادة .. مش عشان هوه معرفش يحبها ازاي

فعلا عندك حق .. لازم يفكر صح و يسيبه من ندب حظه و التحسر والكلام ده

ويؤسفني اني اقولك فعلا أن القصة من وحي خيالي .. لأن حتي الجانب الحقيقي منها مخالف للي فيها

وللدقة
هوه مش جانب حقيقي يعني .. بس مصدر الفكرة

اشكرك علي كلامك الكبير ده اللي ياريت انا استاهل ربعه حتي
وشهادتك دي اعتز بيها

dr.Roufy said...

الله

بجد قصة..عذبة..وتلمس الروح يا أحمد

اسلوبك بجد..سلس..ودافئ

أمتعتني كثيرا بقصتك تلك

تحيااااااااااتي

تمر حنة said...

ابو صلاح
فينك
بس ايه ..ده
انا بقى كنت عايزة اعرف السبب اللى خلها فص ملح وداب
ع العموم متبقاش تتأخر علينا كدة
تحياتى
تمرحنة

abo salah said...

SunShine

اشكرك علي كلامك الجميل ده

وياريت ياستي أنا استحقه

وشهادتك الجميلة دي اعتز بيها

منورة البلوج دايما

abo salah said...

حياة الأحلام

وعليكم السلام و رحمة و بركاته

وأنا كمان بحب الاغنية دي اوي

أن كنتي قررتي من الان انك عندما ستحبي لن تنسي .. فهذا ان دل علي شئ دل علي طاقة اخلاصية بداخلك
ربنا يرزقك باللي يقدرها

اشكرك علي كلامك الجميل عن القصة المتواضعة

حازم شلبى said...

صديقى العزيز .. احمد
عذراً على تأخرى كالعادة لكن الجميل فى التأخير هو الاشتياق الى جديدك دائماً .. الاشتياق الذى يقودنى دون ارادة منى الى تنفيساتك الجميلة وفى كل مرة لا يخيب ظنى فيك .. جميلة القصة والاجمل هو النهاية رغم ما فيها من حزن فلو كانت غير ذلك لكانت كما نهايات الافلام العربى .. تحياتى يا صديقى لك و لقلمك الواعد

abo salah said...

yasmine

ازيك يا ياسمين عاملة ايه؟

يؤسفني انك مكتئبة والله ياسمين

يظهر الاكتئاب بقي ظاهرة عامة

يالا
ربنا يفك كربنا جميعا

لا ياسمين هيا قصة من وحي خيالي
وبرضه لو قرأتي تعليقي العام هتعرفي الموقف مصدر الفكرة

abo salah said...

إنـســـانـة

شوفتي بقي ياستي
ابطال قصص اخر زمن صحيح .. ازاي ترفض يعني
هههههه

ربنا يخليكي .. وشهادتك اعتز بيها

منورة مدونتي المتواضعة دايما أن شاء الله

abo salah said...

عبد الرحمن أبو بكر

ازيك ياعوبد يارئيس جمعية مروجي الاشاعات الكبري

ازيك يازعيم جمعية المقالب اونلاين

ماشي .. ماشي
هتتردلك أن شاء الله

وحظك السئ اني كنت قاعد لحظتها عشان الحق انفي اشاعتك
والا التعليقات بعد كده كانت اتحولت برقيات تهنئة
وبوكيهات ورد
ومطالبات بالبونبون

دا انتا اللي طلعت عفريت في الخمس دقايق دول
ههههههههه

وبعدين انتا ما تعرفش أنه في فرحي اول ناس هتتعزم هما معشر المدونين

يالا ياعفريت مقالب

abo salah said...

ليمت

تصدقي بالله
للوهلة الاولي خاني ذكائي و ماعرفتكيش

ولكن كلمة لماضة كشفتك ياستي

ربنا يخليكي ياليمت علي كلامك الجميل .. وشهادتك طبعا اعتز بيها

انا اللي اركب ادام .. انتي كمان مصرة اني أنا بطل القصة

تصدقي ياليمت انا مردتش اقول علي الحقيقة

بس يسلم فمك جيتي وكشفتي عوبد .. عشان يعرف انه ورايا اقزام .. قصدي اسود
هههههه

منورة البلوج دايما .. وماتحرمناش من زياراتك الجميلة دي

klmat said...

قصه جميله ومؤثره
مكتوبه باحساس صادق
تشعرك انها حقيقه
واسلوبك فى الكتابه جميل
تشعر من يقرأها بمتعه
انشاء الله يكون لك مستقبل عظيم
تحياتى لك

mesh2dra said...

السلام عليكم

مش حقول اكتر من اللي اتقال
بجد
اسلوب رائع
حسيت انى كنت موجودة بجد
وشفت كل اللي حصل

وبرافو عليك جدا
انك تشوف موقف وتقلبه قصة
- هو ده الصحفي لازم يكون لماح-
ههههههههههههههههه
انا بس بديك نصايح من اللي بنسمعها كل يوم

**
مشروع تخرج:S
انت اعلام القاهرة ولا عين شمس
ربنا يعينك
انتم السابقون ونحن اللاحقون
لو احتجت مساعدة قول

سلاماتى

أوشــــــه said...

قصه جميله قوي وكلها مشاعر
يا راجل الدمعه كانت هتفر من عيني

بس متهيألي ان ماحدش في الزمان ده عاد بيحب قوي كده ولا بيفضل مخلص لحبه للدرجاتي وأول ما يدخل في تجربه جديده وتستمر كل اللي فات ببقى ذكريات صبى وشباب بنضحك عليها والحنين والشتياق واللهفه بتختفي مع الأيام

على العموم كلماتك جميله وأسلوبك في منتهى السلاسه والانسياب
تحياتي

حبة حاجات (ايمان) said...

ياااا تصدق يا ابو صلاح انى صدقت
عموما دا برضه ان دل دل على صدق كلامك

ومعلش انا الفتره اللى فاتت طبعا زى ما انت عارف كان رمضان وانا مابحبش اقعد عالنت فى رمضان لانى عارفه نفسى لو قعدت مش هقوم فوفرت على نفسى

عموما الحمد لله
المهم فين بوستاتك انت الجديده؟؟

خلود صلاح said...

:(
ســـــــــــراب أكيد

Romantica said...

السلام عليكم ورحمة الله
ازيك يابو صلاح اخبارك ايه
بقى انا ابقى مشغول وبمتحن ومتجيش تسال عني في البلوج
وانا قلت هارجع من الامتحانات الاقي الشات بوكس مليان رسايل من ابو صلاح بيسال عني
---------------
بجد انت قصاص رائع انا مش عارف اوصفك بايه بالضبط كاتب ولا صحفي ولا اديب
ربنا يوفقك وتبقى ناجح في كل مجالاتك ومتميز وربنا يمنحك القبول اللي اهم من ده كله
_________________
الدروس المستفادة من القصة:
1-يجب عدم الاخلاص لذكرى الشخص الاخر لاننا قد نكون اصبحنا مرحلة في حياته
وبعدين حد يلاقي حد يحاسبله ويرفض
2- ابو صلاح راجل غني واقل ورقة في جيبه بخمسة جنية


الى الامام ياملك
ودعواتك علشان الامتحان
وخلي بالك من البلوج عندي في غيابي انا هاسيبلك مفتاحه تحت المشاية

سلام

Romantica said...

ابقى اسقى الزرع وحط مية للعصافير

sahr said...

ازيك ياابو صلاح
اخبارك ايه
اسفه على التأخير بس الكمبيوتر كان بعافيه شويه
انا مش هاعلق على القصه دي عشان انا متأخرة اوي
بس هي جميلة بجد والاحاسيس والمشاعر اللي انتي واصفها لازم تكون عن تجربة لانها بجد صادقة جداااااا وعرفت توصلها صح
تحياتي

Abeer said...

متالق كالعادة .. احساسك عالي جدا
اجمل حاجة الايجاز في الاحداث .. وده اللي مديلها روعة
مش عارفة اقول ايه تاني
يمكن علشان انا تحت سيطرة الاحساس اللي اتنقللي من كلماتك لسة

حسن مشالي said...

ازيـــــك يا ابوصلاح

بصراحة انت مبدع

وقليل لما اجد فى الابداعات الحديثة
شئ من هذه الرومانسيه الناعمة التى افتقدناها
والجميل فى القصة انها تنقل لنا واقعية اجتماعية نعيشها وتحيط بنا لكننا غالبا ما تمر دون ان نلحظها او نعيرها الاهتمام
برافو عليك لاقتناصك هذه الحظات الانسانية الواقعيه والمشاعر والاحاسيس الحالمة وقدرتك على صياغتها بشكل ابداعى وفنى يليق بمبدع مثلك

تــــحــيــاتـــــى

abo salah said...

Che The Sad

ارحب بيك للمرة التانية يا أبو حميد
وربنا مايحرمنا من زياراتك الجميلة دي

وربنا يخليك علي دعواتك الجميلة دي .. ويسمع منك ربنا

لا ياعم مش مجموعة مجموعة يعني .. دا حاجة كده متواضعة علي اد حالاتي خالص

يعني ممكن يكونوا من 3 ل 5 قصص بس .. بس انتا ادعيلي بس لاني طبعا مش مخلصهم كلهم

ههههه ياعم كتاب ايه بس خلتني اضحك .. ياريت اعمل كتاب .. وربنا يسمع منك .. بس انا لسه مبتدئ خالص

تعرف لو في المستقبل اتحقق الحلم ده وبقيت كاتب يعني وعملت اول كتاب
اكيد انت اول واحد هافتكرك

تحياتي ليك انتا ياباشا
ودايما باسعد بزياراتك

abo salah said...

الخيط الرفيع

منورة المدونة .. وياستي ربنا ما يجيب دموع ولا حزن

احترم تحليلك كثيرا .. واعجبني جدا جدا

اشكرك جدا جدا علي ملاحظاتك الرائعة دي
وان شاء الله هأخد بالي منها جيدا في المرات القادمة

ان شاء الله هاحاول اقرأ في كتب فن القص كتير

واكيد هازورك واشوف بوستك الجديد

منورة البلوج دايما

abo salah said...

fanan fa2eer

معلش والله يافنانتنا مشغولين في مشروع التخرج .. الدفعات اللي قبلنا كانت بتسلمه علي مدار السنة كلها .. احنا اول دفعة يطبق عليها انها تسلمه في الترم الاول بس

ومعلش انا اسف و باعتذر عن تقصيري دي .. بس والله انا دايما فاكروا كلكم .. ودايما كلكم علي بالي والله

شوفتي عندك امتحان وانتي اللي جاية تسألي .. كرم منك بقي

ربنا معاكي يارب .. وربنا يوفقك و الامتحانات تيجي بسيطة ان شاء الله

وابقي طمنينا بقي

لا هيا القصة ملهاش جزء تاني .. بس انا هاكتب حاجة تانية تحت عنوان الامل و السراب برضه .. يعني حاجة كده زي مجموعة قصصية بس متواضعة خالص

فعلا عندك حق .. اكيد هو يعلم انه يستحق التجاهل

يالا ربنا يوفقك

NeRmeeN said...

السلام عليكم

تصدق انا افتكرت فى الاول انك بتتكلم عن نفسك ...وبعدين لاقيتك فى التعليقات بتقول انها من وحى خيالك

بس بجد برافو عليك...انت عرفت تخلى الصورة فى اذهانا حقيقية جدا..حسيت انى فعلا شايفة الولد و البنت دول. بجد برافو عليك...و عايشة كل التفاصيل

يلا مستنيين قصص تانية منك ...وربنا معاك فى كليتك ان شاء الله

تقبل مرورى و تحياتى

abo salah said...

الأستاذ

وعليكم السلام و رحمة الله و بركاته

وانت كمان واحشتني والله ياأستاذ .. وربنا يخليك علي دعواتك الجميلة دي

الدكتور أحمد خالد توفيق من اكتر الكتاب الذين اعشقهم .. حتي الأن اقرأ له .. ياريت بس اوصل لربع اسلوب و طريقة العبقري ده
وأشكرك علي كلامك الجميل ده

طبعا هاجي اشوف بوستك ده .. ومعلش علي التأخير ياأستاذ

وشكرا ياباشا انك مش عايز تطلع بالمكروباص من غيري
دا شرف كبير ليا

لك خالص تحياتي

abo salah said...

الباحث عن الحقيقة

رغم انها زيارتك الثانية فقط .. الا انه اصبح يسعدني تواجدك

بالطبع لم اكن اقصد بالقصة ما ذكرت نهائي .. فولا كنت اقصد وحدة عربية ولا حكاية التقرب من الله

حتي الافكار دي ماجتليش غير بعض ما كتبت القصة كمان

لما ركزت يعني في كلمتي الامل و السراب علي وجه عام

اصلي بيني و بينك كنت هاشرب الليلة .. وهاتدبس وهابقي انا البطل
فانا حبيت يعني اوضح ان القصة ممكن يكون ليه عدة مقاصد تانية .. بتتفهم ضمنيا

بس برضه انا ماكنتش اقصد الحاجات دي .. وهتلاقيني حتي قايل علي سبيل المثال لا الحصر ولا التحديد

وأنا فعلا لو قارئ ماكنتش هاشوف فيها الكلام ده
و اعلم جيدا انه لايجب ان تشرح العمل الادبي وتترك الامر للقارئ

اشكرك جدا جدا علي ملاحظاتك الرائعة دي .. وحقيقي استفدت منها جدا

مادام انت مصمم .. خلاص ياعم هاقولك سابوا بعض ليه؟ .. بس مش مباشرة كده .. هاقولك وسط قصة قصيرة تانية

عشان اضمن بس انك تيجي تاني و تغذيني بملاحظاتك و توجيهاتك القيمة دي

abo salah said...

بعد السلام عليكم

ازيك يا ياسمين عاملة ايه؟؟

يابنتي خطوبة ايه بس .. هو عوبد ده غاوي مقالب

العين بالعين .. والمقلب بالمقلب .. والبادئ اظلم

اصبري عليا .. انه بخططله مقلب اصلي

اشكرك علي كلامك عن القصة
وشهادتك اعتز بها

abo salah said...

سلسبيل

الصراحة بعد ماقريت تعليقك الجميل ده
مش عارف ارد عليه اقول ايه

عندك حق في كل اللي قولتيه
لكن كبرياء الانثي الذي يرفض الخضوع لاي كان...كان صاحب الكلمة...الاخيرة

تعليقك اسعدني للغاية

وربنا يخليكي .. واشكرك علي كلامك الجميل

واوعي تكون اول زيارة وأخر زيارة
اتمني دوام التواصل

abo salah said...

Banota

وأنتي كلامك غاية في الروعة والجمال

وياستي ربنا يخليكي و يعزك علي الكلام ده

ربنا يسمع منك ويخلص المشروع ده علي خير

وربنا ان شاء الله يوفقكوا في مشروعكم

وياستي الف سلامة عليكي من الضغط

abo salah said...

soka

وعليكم السلام و رحمة الله و بركاته

انا الحمد لله ياسوكة
انتي عاملة أيه و ازيك ؟ .. وربنا يخليكي علي سؤالك الجميل ده

ربنا يخليكي علي كلامك الجميل ده

ويسمع منك ربنا و يديم عليا نعمة الكتابة

عارفة ياسوكة انتي بتقولي .. يجيب بالجنيه سندوتش افيدله .. لكن بالنسباله ولا 100 سندوتش هيكون افيد .. لانه جايز لا يري طعما لشئ بدونها

واكيد طبعا بعد اللي حصل .. نفسه اتسدت عن الاكل .. ههههه

منوراني دايما ياسوكة

abo salah said...

آخــر قــرصان

ياصباح القراصنة .. واطعم مسا علي أخرهم
وحبيب قلبي

ياعم ولا يهمك نبقي نعملك صندوق زماله عشان تشتري بهارات الطبخة
هههههههه

وخلينا بقي ياباشا نشوف طبخاتك الروائية دي

وانا عارف انها هتكون حلوة منك

abo salah said...

dr.Roufy

وكمان أخدت شهادة من صاحبة الناي

شهادتك ياروفي مصدر فخر

وربنا يعزك علي كلامك الطيب ده

وانتي دايما بتمتعينا بأنين نايك
وبتمتعيني بزياراتك الجميلة دي

abo salah said...

تمر حنة

ازيك ياتمر حنة ؟
عاملة ايه؟

ايوه كده ياستي خليني نشوفك .. وتنورينا دايما

ماهي لو مكنتش فص ملح وداب .. مكنش هيقتنع انها سراب

ابطال قصص أخر زمن ياستي

اشكرك ياتمر حنة علي سؤالك الغالي ده
وهاحاول اني مااتأخرش ان شاء الله .. بس انتي ادعيلي

abo salah said...

حازم شلبى

أخي وصديقي العزيز حازم

هذا هو الحال دائما .. دائما تجعلني عاجزا عن الرد علي تعليقاتك الجميلة هذه

شهادتك ياصديقي اعتز بها كثيرا ومصدر فخر لي

لا يهمك من التأخير .. تأتي في اي وقت هذه مدونتك
ولا اعتقد انه سينتهي بوست عندي دون ان تضع فيه بصماتك الجميلة

ربنا يخليك و يعزك ياحازم علي كلامك الطيب ده

abo salah said...

klmat

مرحبا بيكي و بزيارتك الجميلة دي
ويارب ما تكون الاخيرة .. ودايما تنورينا

اشكرك علي كلامك الطيب
رأيك بالتأكيد يهمني
وشهادتك اعتز بيها

ربنا يخليكي علي دعوتك الجميلة دي
وأنتي كمان أن شاء الله يكون ليكي مستقبل عظيم وتحققي كل اللي بتتمنيه

abo salah said...

mesh2dra

وعليكم السلام ورحمة الله و بركاته

ازيك يامش قادرة .. الف حمد الله علي السلامة
اتمني ان تكوني دايما بصحة جيدة

خلاص دلوقتي مينفعش يعدي بوست ليا كده من غير مااستني رأيك وملاحظاتك الجميلة

وشهادتك دي اعتز بيها
وربنا يخليكي علي نصايحك الجميلة دي

أنا ياستي في كلية أداب إعلام شعبة صحافة جامعة حلوان
ولو احتجت اي مساعدة اكيد مش هتأخر طالما هترحبى بيها

وياريت برضه تبقي تعرفيني انتي اعلام ايه .. دا لو ماكنش فيها احراج وتطفل يعني

abo salah said...

أوشــــــه

ازيك ياأوشه .. عاملة أيه؟؟

اشكرك علي كلامك الجميل ده .. وربنا مايجيب دموع ويبعد عنك الحزن دايما

بصي ياأوشه
أنا معاكي انا احنا بقانا في زمن مايعلم بيه الا ربنا .. انتشرت فيه المساوئ و المفاسد و ... و ... و

بس برضه لسه في الحب الصادق ولسه موجود الاخلاص الصادق
وحتي وان كانوا قليلين .. بس برضع موجودين وعمرهم ماهينقرضوا

لان الحب الصادق والاخلاص دايما مرتبطين بالخير جوه قلب الانسان .. وتأكدى أن عمر ما الخير هينتهي

منورة مدونتي المتواضعة دايما

abo salah said...

حبة حاجات (ايمان)

ياسلام دا أيه ده .. زيارتين في بوست واحد .. منورة دايما ياإيمان والله

اشكرك علي كلامك الجميل ده

خلاص ياستي رمضان خلص اهوه ومبقاش ليكي حجة .. وكل سنة وانتي طيبة
وعايزين نشوف بوستاتك الرائعة أن شاء الله

وبرضه حمد الله علي السلامة علي رجوعك

ان شاء الله هنزل بالجديد قريب اول مالاقي فرصة .. بس دعواتك معانا بقي

واشكرك علي سؤالك الجميل

abo salah said...

خلود صلاح

ازيك ياخلود ؟ عاملة أيه ؟

أكيد ســــراب
هيا مش فص ملح وداب


ومنورة البلوج دايما

abo salah said...

Romantica

وعليكم السلام و رحمة الله و بركاته

ازيك انت يامحمد عامل ايه ؟ والامتحانات عاملة أيه معاك؟
واحشني والله ياراجل ؟

والله مشغول حبتين يامحمد .. اعذرني علي تقصيري معاك

وبعدين ياعم انت طلعت اكرم مني .. وانت اللي جاي تسأل عليا مع انك عندك امتحانات .. ربنا يخليك ياباشا

ايه ياعم الكلام الكبير اوي ده عنى .. يارتني بس نصه

ربنا يكرمك علي دعواتك الحلوة دي
وربنا يسمع منك
اللهم امين

لا ياعم ولا غنى ولا حاجة .. الغنى هوه الله
وبعدين انت تقصد البطل بقي

ربنا ان شاء الله يكرمك و يوفقك في امتحاناتك .. وما يجبلكش امتحان باطنة معقد
وأن شاء الله الامتحانات تكون بردا وسلاما عليك وعلينا جميعا

متخافش ياباشا البلوج امانة في اعناقي
وهابقي اسقي الزرع و العصافير
بس يارب الميه ماتقطع

abo salah said...

sahr

ازيك انتى ياسهر ؟
عاملة أيه ؟

أنا متأكد انه مش هيعدي البوست كده من غير ماأشوف سهر

وبعدين انتى ياستي مايهمكيش من التأخير .. تشرفي فى أي وقت .. المدونة مدونتك

شهادتك بالطبع اعتز بيها
واشكرك علي كلامك الجميل ده
ربنا يخليكي

واعذريني ياسهر علي تقصيري الشديد معك

abo salah said...

Abeer

يااااا ياعبير .. ألف ألف حمد الله علي السلامة علي رجوعك الجميل ده

وياستي دا أنتي اللي دايما متألقة بروحك الطيبة دي و بكلامك الرائع

ربنا يخليكي علي كلامك الطيب ده

ودايما منورة البلوج المتواضع
وحمد الله علي السلامة

abo salah said...

حسن مشالي

ازيك ياأستاذ حسن ؟ .. ليك وحشة والله ياراجل ؟

دا انت اللي مبدع ياجميل .. ودي حاجة بسيطة من بعض ماعندكم

مش عارف بس اقولك أيه بعد كلامك الجميل ده كله
ويارب دايما اكون عند حسن ظنكم جميعا

بس ياباشا الكلام ده كبير اوي عليا

وشهادتك مصدر فخر و اعتزاز

abo salah said...

NeRmeeN

وعليكم السلام و رحمة الله و بركاته

ربنا يكرمك علي كلامك الجميل ده

واسعدتني كثيرا زيارتك الجميلة دي .. يسعدني ان تتكرر كثيرا

رايك و شهادتك اعتز بيهما

ربنا يكرمك وأشكرك علي دعوتك الجميلة دي
وربنا يوفقك أنتي كمان في درستك و حياتك

يشرفني مرورك و تشرفني تحياتك

sahr said...

نزل بوست جديدي بقى عشان الحق ارد فيه الاول
يلا بسرعه مستني ايه؟

abo salah said...

sahr

هههههههه
ازيك ياسهر ؟

انتي كده ياستى هتسربعيني
وهتخليني اكروت

والبوست فى الأخر ما يعجبكيش
وأنا طبعا مايرضينيش خالص

هوه للأسف أنا لسه محضرتش حاجة
وبعدين لو كان علي تعليقك في الاول ياستي متقلقيش

اول ماأنزل البوست هأجي علطول اديكي خبر

او كمان ممكن اديكي خبر من قبلها بشوية

أشكرك علي سؤالك الجميل ده .. وطبعا يشرفني تعليقك في الاول وفي الأخر وفي أي حتة

sahr said...

انت شوف اي حاجة اكيد هتطلع حلوة منك
بلاش تنام بعد كل بوست كده شويه
طول ما الكمبيوتر والنت بخير هتلاقيني نطالك كل شويه بس خليك فاكرها وتشيل جميلي دا على رأسك من فوق
ماشي؟
وانا هاجيبلك كل يوم ساندوتش مربى بالقشطة اللي انت بتحبه

abo salah said...

sahr

ياستي ربنا يعزك

بس هوه أنا بنام بمزاجي يعني

وعامة
خلاص عشان خطوتك العزيزة دي .. أنا هأسربع نفسى شوية ومش هتأخر

ياستي أن شاء تنطيلي كل فيمتوثانية .. أنا مش هأزهق برضه .. وبرضه هتنوري

اااااخ .. أنا برضه كنت مستغرب .. هيا بطلت مناقرة ولا أيه .. كنت لسه حالا بأقول كده .. أنتي بقي مكدبتيش خبر

عامة
ياستى ناقري فيا براحتك .. وأنا فرحان بمناقرتك دي

ياسهر
يابتاعت السندويتشات المربة بالقشطة

sahr said...

طيب
كفاية عليك كده انهارده علشان ماتزهقش مني
ومستنية جديدك

abo salah said...

sahr

ياستى ازهق منك أيه بس

أنا اساسا عمرى ما اقدر ازهق من اي مدون
وباعتبركوا كلكوا عيلتي التانية وقاريبي و اصحابى اللي ماشوفتهمش

عارفة ان ممكن ازهق من عيلتي الاولي .. لكن مقدرش ازهق منكم .. لأنه كفاية ان انتم اللي قدرت انفس معاهم

انتي تشرفي في اي وقت ياسهر .. واسقطي الزهق من حسابك

وان شاء الله في اقرب فرصه .. هانزل بالجديد
واشكرك علي سؤالك

أشرف حمدي said...

صباح الفل يا باشا
معلش انا لسة ماقريتش البوست ، مزنوق قوي والله
بس كنت بمسي عليك وأفكرك بقعدة ليلة الخميس الجاي عشان نظبطت اللي اتفقنا عليه
ماتفهمونيش غلط يا جماعة :) ده شغل جديد نقولكم عليه قريب
ياريت تبلغ عبد الرحمن كمان
تحياتي

sahr said...

4 كومنتات في بوست واحد
شيلي الجميل دا

حبة حاجات (ايمان) said...

فينك يا ابو صلاح
فين المفاجاه

Anonymous said...

السلام عليكم ورحمة الله
ازيك يابوصلاح
معلش انا بقالى كتير مبدخلش المدونة
بس لما دخلت لقيت القصة الجامدة دة ندمت انى مدخلتش من زمان
اوعى يا احمد تكون انت بطل القصة دى؟
صحيح انت خطبت؟
اه ياخاين من غير ماتقول تخونك ام على
ماشى لما اشوفك
سلااااااااام

اختك زوزو

حسام مراد said...

باشا
قصه شغاله والشغال فيها انها فعلا ممكن تكون حصلت لناس كتييييير جدا

تحياتى

WiLdBiRd said...

سراب!!!!

خسارة ان تكون هذه النهاية

حتى لو لم يعد كسابق عهده

يكفى ان تكون هناك تلك المساحة من الود والاحترام

وان كانت القصة حزينة

تقبل تحياتى على كمية المشاعر الفياضة

اللى احسست بها

Meekness !!! said...

احمـــــــــــــــــــــــــد
فينك يا بني مش عوايدك الغيبه دي
طمني عليك ايش الاخباااااااااار؟؟؟؟

abo salah said...

أشرف حمدي

أزيك ياأستاذ أشرف ؟
والله ليك وحشة ياراجل

أنا عارف والله ياباشا انك مشغول ... ربنا يعينك

واعذرني ياباشا علي تقصيري معاك .. احنا كمان مطحونين في مشروع التخرج

وأن شاء الله نلتقي الخميس .. وهابلغ عوبد ان شاء الله

abo salah said...

sahr

أيه دا بقي؟

أنتي كمان بتعدي عليا الكومنتات
وهتذليني بقي ولا أيه؟

ماشي ياستي
هاشيلك جميلك ده فوق راسي
بس لو وقع مليش دعوة

منورة دايما ياسهر

abo salah said...

حبة حاجات (ايمان

معلش يا إيمان اصلي مشغول شوية والله

ادعيلي بقي

بس ان شاء الله قريب كده .. هاخطف ساعة ولا حاجة هنزل فيها الجديد

سيبك انتي
اهم حاجة اني اشكرك علي سؤالك الجميل ده

abo salah said...

زوزو

وعليكم السلام و رحمة الله وبركاته

ازيك انتي يازوزو عاملة ايه؟
أيه يابنتي الغيبة دي كلها

ربنا يكرمك ياستي علي كلامك الجميل ده عن القصة

وياستي ربنا مايجيب ندم .. المدونة مدونتك تيجي في اي وقت

برضه هتقوليلي اوعي تكون البطل؟

خطوبة ايه يابنتي
هوه الواد عوبد ضمك لجمعية مروجي الاشاعات ولا ايه؟

انا برضه اقدر اعمل كده من غير ماأعزمك .. ده ياستي مقلب جديد من عوبد

بس اوعي تحلفيني بأم علي دي تاني .. عشان كل ماأفتكرها بطنى بتوجعني

شكلك والله اعلم كنتي عزماني وانتي متضررة .. او بصلنا في العزومة
هههههههه

منورة البلوج دايما

abo salah said...

حسام مراد

ازيك ياحسام عامل ايه ؟؟

واحشني والله ياراجل

وكمان اخدت شهادة ان القصة شغالة
ربنا يخليك ياعم شغال

وابقي شوفلنا شغلة معاك

abo salah said...

WiLdBiRd

هو ايضا كان يتمني ذلك
كان يتمني ان تكون هناك تلك المساحة من الود والاحترام

اشكرك علي تحياتك الطيبة

واسعدتني كثيرا زيارتك هذه ... واتمني ان تتكرر

abo salah said...

Meekness !!!

ربنا يخليكي يارب يازيزي علي سؤالك الجميل والغالي ده

انا الحمد لله كويس .. بس مشغول حبتين في الدراسة وكده والمشروع بالاضافة الي قليلا من الضيق و الملل

وسامحيني بقي علي تقصيري الشنيع ده معاكي .. ومع حبايبي المدونين

وشكرا علي سؤالك

utopia said...

انت موهوب فعلا
بجد اخدتنى بكل كلمة كتبتها
وحسيت بيها

حبة حاجات (ايمان) said...

ربنا يوفقك يارب بس شد حيلك
واحنا مستنينك

abo salah said...

utopia

اشكرك علي كلامك الجميل

اسعدتني زيارتك الاولي

واتمني أن تتكرر

abo salah said...

حبة حاجات (ايمان

ربنا يباركلك علي دعواتك الجميلة دي
وعلي سؤالك الدائم

واعذريني على تقصيري الشنيع

كلمات تأتى وتختفى فجأة said...

السلام عليكم ورحمة الله وبركاته

اولا اسفة للتأخير اولا للمرض كما قلت وبعد ما خفيت لقيت عندى امتحانات وفرح واحد قريبى فانشغلت اعذرنى

ثانيا : بالنسبة للبوست فهو رائع جدا بغض النظر عن انه كان حقيقى ولا لأ لان من الممكن تكتب شئ من وحى الخيال وتلاقيه زى الواقع تمام
المهم مجرد الاحساس بانها لم تعد تفكر فيه ولو للحظة فهو شئ قاسى جدا على اى انسان
ولكن دعنى انظر الى القصة من وجه اخر فلما لا نقول انها تذكرته بكل ايامه الجميله المضيئه والمظلمه بانه هو السبب فى الفراق و مع ذلك تقول لنفسها انه يتذكرها نعم تذكرنى كما تذكرته ولكن هل نسيته لكى اتذكره
ولكن لن اقبل ان يدفع لى فبعدها من الممكن ان نتحدث سويا ولكن سيحين الوداع فى النهايه وما اقساها نهايه علينا
فانى اخاف عليه بعدها من التفكير المميت فى قصتنا لذا ساعجل بالنهايه قبل ان تبدأ الحكايه مرة اخرى
ولن يدفع لى ولاختفى من امام عينيه واصبح سرابا الى الابد حتى يتحرر بعضنا من الاخر

بس دى وجهة نظرى
معلش رغيت شويتين وطولت عليك
ويارب ماحدش يجرب اى احساس مؤلم

وفى النهايه تقبل احترامى

abo salah said...

كلمات تأتى وتختفى فجأة

وعليكم السلام ورحمة الله وبركاته

ياستى ولا يهمك ابدا من التأخير وكمان ماتعتذريش .. لأن دى مدونتك وأنتى تشرفى فى أى وقت زى ماأنتى عايزة

والاهم بقي
ألف حمد الله علي سلامتك
والحمد لله أنك قومتى بالسلامة

وأن شاء الله تكونى عملتى كويس فى الامتحانات .. وربنا يوفقك

وألف مبروك لقريبك

لا كلام بعد كلامك الرائع
ولكن هو لا يريد ذلك
فهو يغالط نفسه مدعيا أن كل مايريده ان يعتذر لها عن ظلمه لها و يطلب منها السماح ولا يبغي اكثر من ذلك

ولكن في قرارة نفسه .. هو يتمني ان يعودا لبعضهما من جديد

ولكن ليت كل مايتمناه المرء يدركه

لا ياستى ولا طولتي ولا حاجة .. علي العكس انتي امتعتيني بتعليقك الرائع

وربنا مايكتب علينا الاحاسيس المؤلمة دي

وتقبلي أنتي احترامي

مؤمنه said...

السلام عليكم ورحمة الله وبركاته
هو دايما كده الحب يخلى الواحد يصدق الى مش ممكن يتصدق بس عشان ما يوجعش نفسه يعنى لما نزل من الميكروباص وعرف انها ما قبلتش يدفعلها اوهم نفسه وكانها السراب طبعا هو عارف انها بس قال زى ما تكون سراب
فى انتظار الجزء الثانى
ويارب يكون تحقق الامل بعيدا عن السراب
دومت بخير
والسلام عليكم ورحمة الله وبركاته

abo salah said...

مؤمنه


وعليكم السلام ورحمة الله وبركاته

هكذا يكون الحب
الحب دوما هو ما يحركنا
وليس نحن من نحرك الحب

أسعدنى جدا اهتمامك بقراءة قصتى المتواضعة

ويشرفنى تواجدك فى القصة القادمة أن شاء الله

أشكر لكى تعليقك الكريم

وعليكم السلام ورحمة الله وبركاته