تراهم وكأنهم قد استزادوا عقلا وحكمةثباتا وهدوءا
ترى حديثهم وقد استزاد خبرة
وكأنهم عايشوا مئات التجارب
فتتعجب وتسأل عن السر
لتعلم أن السبب هو تجربة واحدة
تجربة الجرح
تظل علاقة دائمة
علاقة تربط بين الجرح والحكمة
نعم
.
.
فالجــــــرح دائـــما يولد الحكمة
ولكن
ليست الحكمة دائما تقيك الجرح
ــــــــــــــــــــــــــــــــــــ
أغنية أنا لو أذيته
كلمات : أيمن بهجت قمر
ألحان : محمد يحيى
غناء : محمد حماقى
أغنية أنا لو أذيته
كلمات : أيمن بهجت قمر
ألحان : محمد يحيى
غناء : محمد حماقى
42 comments:
فالجــــــرح دائـــما يولد الحكمة
ولكن
ليست الحكمة دائما تقيك الجرح
بعد كلماتك تلك ..لا يمكنني التفوه بأي كلمة
فللأسف ليست الحقيقة سوى ما قلت
ليك وحشة يا ابو صلاح..ربنا معاك
:)
روفي
لو كان حد تاني
كنت هزعل
يلا زي بعض
اخدتي مني اول كومنت
مش مشكلة
سلام
انا نسيت اعلق
الجرح ملهوش كبير
ولو كان الف حكيم
وخليك فاكرها
بردة مش بتدخل
براحتك
سلام
Rbna yb3d 3anak bi 7aga mmken tgra7 albk,m3lsh ya abo sala7 m2sara awe,bs walahe el net fasl w b3l2 nw men mobile..Rbna m3ak.
Zeze
أبو صلاح حمد لله علي سلامتك
أنا دلوقتي فرحانة لسببيين والله العظيم حطير من الفرحة
السبب الأول رجوعك إنت، أيوة عيدة جدااااااا جداااا، عارف دخلت مدونتي فكنت حخرج بس في ثانية و انا ببص علي جديد قائمة المدونة فلقيت تنفيس أول إسم ياااااااااه لو تعرف.
السبب التاني حتستغربه
الأول قولي حتصدق أو لا؟؟
حعتبرك قلت مصدقك بس إخلصي و قولي السبب التاني ههههه
صبرك عليا و حقولك
أنا النهاردة كنت في الأوتوبيس مروحة للبيت فكنت بسمع أغنية حماقي ديه لو أذيته فأخدت ورقة من دفتر و قعدت أكتب و ديه كانت حتكون فكرة البوست الي حكتبه و كان العنوان الجرح و لكن بما أنك إتكلمت علي الجرح قررت أكتب هنا عن الجرح بدل البوست الجديد عندي او عندك مش حتفرق صح؟؟ أكيد زهقت طب حدخل في ما كتبت:
الجرح
الجرح حكمة و يا لسخرية القدر فقد توصلت لهذه الفكرة التي ربما تعتبرونها غبية في أوج ألمي: أجل إن كل جرح يكون صعبا في أوله و ستكون كذبة إن قلنا و بعد فترة أننا شفينا منه ربما لا نعطي أهمية لمن جرحنا أو ماهو نوع هذا الجرح إنما المصيبة أننا لا ننسي أننا جرحنا، لا ننسي أننا تألمنا ربما علينا التفكير بطريقة إيجابية: كيف؟؟
أقنع نفسك أنها تجربة من تجارب الحياة التي سنستفيد منها؟
لما أحيانا و عندما نفكر في ذلك الجرح نركض بذاكرتنا نحوه؟ و هنا أقصد من جرحنا، لماذا عذبنا أحيانا يرتبط بمن نحن إليه و هنا أقصد من لا يستحقنا؟
ربما هذه الأسئلة تخالجني الآن و تخالجني دائما و الحقيقة أني لا أجد لها سوي إجابة واحدة و هي أني من هواة تعذيب قلبي، حقا أستغرب هذه الإجابة و أقول هل هي إجابة شافية و كفاية كي أنسي الجرح؟؟ و حكمتي هي أنه لا يجب علينا أن نفكر فيمن جرحنا و توقف الحياة بعده لاااااا فهناك أناس أطيب بطيبتهم سيشفون ذلك الجرح.
***********
أبو صلاح آسفة جداجداجدا علي الإطالة
تحياتي لإختيارك و يا رب تكون بألف صحة و عافية
رغدة
صح يابو صلاح الواحد مبيعرفش يقول حكمه غير بعد مايتجرح لا ومش اي جرح ده جرح بيبقي كبير اوي وبياثر فينا اوي فيخلينا نقول الحكمه دي .............
وخدها مني يابو صلاح :
مفيش حد بيجرح اوي غير لما بيحب اوي
اولا: بجد الف الف حمد لله على السلامة
قد كدة فرحت لما شفت البوست الجديد
ربنا يكرمك يارب وتفضل على طول كدة مغرقنا ببوستاتك
وابقى اسأل علينا بقى
عودة حميدة
ويارب متتقطعش ابدا
رنا
و الله الراجل دة بيقول كلام زى الفل
في ايه يا ابو صلاح
مالك
اخويا الصغير ماله
طول عمرك بتقول حكم
بس مش كل الحكم بتتقال نتيجة جروح
اللي قالقنى
ان حكمتك مخضبة بدماء الجرح
كلمات الاغنية انا عارفاها
شوف انت اخرها
وشوف مين الكسبان
ربما نتعرض للجرح
ربما يصادفنا الوجع
ربما نتألم ونحزن
ونشعر بالفقد والندم
على شخص اودعناه مشاعرا صادقة
لكننا حتما سنعاود الوقوف
والتحدى
هو كلمة السر
النجاح وحدة يستطيع ان يبقيك حياً
اخفض راية الاستسلام
وارفع راية نصرك
على ذاتك
وانا واثقه انك قادر
على ان تنهض اقوى من ذى قبل
ادعو الله الكريم لك بكل خير
وانتظرك قوياً
كما عهدتك
..
انا عارف انى غايب عن التعليق لفترة بس لى عذر واحد
الكلية
اهئ اهئ اهئ ااااااااااااااااااه
لكن الجرح زى ما بيعلمحكمه .. بيدى قوه وصبر
وغير ده كله بيدى عزيمه اننا نغير من نفسنا
أبو صلاح
ازيك عامل اية
انت فين مختفي لية؟
كنت افتكرت انك رجعت
بجد وحشتني بوستاتك وتعليقاتك.
يارب ترجع لنا بسرعة
ويارب الظرف اللي منعك عننا يزول
تحياتي
رنا
ازيـــــك؟؟
ان شاء الله تكون بخير
معلش بقالي كتير مش بدخل عشان الكلية والدراسة والكلام ده
بالنسبة للبوست عندك حق فعلا (الجرح يولد الحكمة) واللي يحس بكدة حد اتجرح قبل كدة
حلو اوي البوست والكلمات بسيطة بس معبرة فعلا
واختيار حلو اوي للاغنية :)
ان شاء الله تكون بخير ابقي طمني
ســـــــلام:)
عودة بعد غياب
ازيك يا ابو صلاح عامل ايه
البوست رائع
بجد خليتني نفكر ايهما اصدق الحكمة بعد التجربة ام الحكمة كقول ؟؟؟
وبالفعل الجرح دائما يولد الحكمة ولكن ليست الحكمة دائما تقيك الجرح
صدقت وابدعت
يارب تكون دائما بخير وصحة وسلامة
السلام عليكم ورحمة الله وبركاته
---------------------------
معلش يا جماعة
أنا عارف أنى زودتها ومقصر جدا
وأسف سواء على تقصيرى فى زيارتكم أو على تأخرى فى الرد على تعليقاتكم
نظرا لظروفى وأتعشم انكم تعذرونى
خالص تحياتى
dr.Roufy
أنت فعلا تفوهتى يا دكتورة روفى
تفوهتى بكلماتك الطيبة المهذبة
اللى دايما بأنتظرها
وأنتى كمان ليكى وحشة والله
My Hope$
هههههههههه
معلش بقى يامنى روفى مش حد غريب
وانتم الاتنين تنورا دايما سواء أول تعليق أو أخر تعليق
My Hope$
عندك حق فعلا يامنى محدش كبير على الجرح
حتى الحكماء يقتنصهم الجرح
أكيد أنتى مقدرة ظروفى اللي بتمنعنى أنى أدخل
ادعيلى يامنى
منورة دايما
Meekness !!!
ليكى وحشة يازيزى
ومفتقد وجودك وتعليقاتك
بس هانتظرك اول ما النت يرجع عندك
وشكرا على كلامك يازيزي
ابو صلاح
حمدله علي سلامة قلمك
برغم الحزن الذي يقطر منه
الا اننا افتقدناه كثيرا
تحيه ومودتي
اتمني التواصل الدائم
سلام عليكم ازيك يا ابو صلاح إية الأخبار يارب تكون تمام
خير الكلام ما قل ودل
جميله قوي الجملة الاخيرة بتاعة الجرح دائما يولد الحكمة
لكن ليست الحكمة دائما تقيك الجرح
سلام عليك
كلماتك بقت رنين في ادني وصحيح ماقلت
جرح يولد الحكمه ولكن تلك حكمه لا تقيك جراح
ابدعت لايسعنا قول غير دالك
هدا اول مرور تقبله مني
من اختك
holyday2008.blogspot.com
رحيق الحياة
الله يسلمك دايما يارغدة
أنا أسف يارغدة لو كنت خذلتك فى مسألة رجوعى
ماتخافيش يارغدة أنا مصدقك دايما والله
مفيش كلام بعد كلامك
تعليقك جعل من كلماتى البسيطة لا قيمة لها
هنا مدونتك دايما يارغدة
أخر مرة أشوف اعتذار بسبب الإطالة
أنت لسه ماتعرفيش وجودك وتعليقك بيفرحونى أد ايه
وبرضه دا رد مايلقش بتلعيق واحد من تعليقاتك اللي دايما بأقف ادامها عاجز
خالص مودتى واحترامى دائما
alaa
عندك حق يا آلاء
مفيش حد بينجرح أوى غير لما بيكون بيحب أوي
تشريفك يا آلاء أضفى للمدونة بريقا أتمنى أن يدوم
يوميات نائمة في الأرياف
الله يسلمك يا رنا
أنا عارف أنى مقصر فى كل حاجة
فى السؤال
وفى المتابعة
وفى الرد
أنا فعلا محرج اعتذر لأنه مش كفاية
بس أنا أسف
kafrawy
والله أنت اللي راجل زي الفل يا كفراوى
سلام عليكم
ايه يا استاذ ابو صلاح
اين بوست العيد؟؟؟؟؟؟؟؟
هنقضيها حزن كده كتير
كل سنة وانت طيب يا احمد
وعيد سعيد عليك يارب
عايزين بوستات جديدة
لك كل التحية
:)
كل سنة وانت طيب يا ابو صلاح
:)
ما علينا
عندك حق يا ما علينا
أنا حقيقى دلوقتى عارف مين اللي كسبان
والمفروض كنت اعرف من زمان
كنت هارتاح علطول
شكرا لوقوفك دايما جنبى يا أختى الكبيرة
وربنا ما يحرمنيش منك
دعاء مواجهات
لن أحاول إيجاد كلمات للرد على تعليقك
لأنى أن حاولت لفشلت حتما
كلماتك بعثت بدخلى قشعريرة من صحتها
ومن حقيقتها
كثيرا ما تؤلم الحقيقة ولكنها الحقيقة
سئمت الضعف وسئمت الانكسار وسئمت الاستسلام
اخفض راية الاستسلام
وارفع راية نصرك
على ذاتك
وانا واثقه انك قادر
على ان تنهض اقوى من ذى قبل
تسلمى على كل كلمة غيرت في كتير
خالص تحياتى واحترامى
واد غلبان
ربنا معاك يا أحمد
أكيد احنا مفتقدينك
بس عذرك يستوجب قبوله وكمان الدعاء ليك
أن ربنا يعينك ويوفقك في دراستك وحياتك كلها
Banota
أذن دعينا نأخذ منه الحكمة والصبر والعزيمة والقوة ونترك كل مشتقات الضعف من انكسار واستكانة وألم
حياتنا بها ما يستحق ان نحياه بكل سعادة وأن نخرج من شرنقة حزن وهمية نسجناها لأنفسنا
يوميات نائمة في الأرياف
أزيك يارنا
أنا الحمد لله من لحظة ردى على تعليقك الكريم دا كويس جدا وبأحسن حال
الله يسلمك يارنا
وأتعشم أن تعذرينى فى تقصيرى وغيابى
وكل سنة وأنتى طيبة
Unique Gurl
أنا الحمد لله كويس .. أنتى عاملة ايه ؟
ربنا يعينك يارب ويوفقك
ربنا يخليكى ياستى على كلامك الطيب دا
وأشكرك لسؤالك عنى
أنا الحمد لله فى أحسن حال
ويارب أنتى كمان دايما
N.Ali
زيارتك الكريمة أضاءت المدونة المتواضعة
وكلماتك الطيبة زادتها بريقا
ربنا يخليكى ياستى
وأنا كويس الحمد لله
وشكرا لسؤالك الغالى
وربنا ما يرحمنا من وجودك الجميل
وكل سنة وحضرتك طيبة
DoNyA
الله يسلمك دايما
وبجد أنا اللي افتقدتكم جميعا
وكلكم ليكم وحشة والله
وكل سنة وأنتى وأسرتك كلها بخير وصحة وسلامة
ابو صلاح
كل سنة وانت طيب
انت فين؟
مش ناوي ترجع بقى؟
وحشتنا بوستاتك وتعليقاتك وتحليلاتك
في انتظار عودتك
رنا
سلام عليك يا ابو صلاح
اه الجرح بيعلم و ياثر اوي في الانسان و خصوصا لو كان من ااقرب الناس ليه
...............
اغنية صعبه اوي بس جميلة ...ليه كتير بنحس اننا اللي كاتبينها او انها مكتوبه لينا ؟؟؟
مش عارفة
سلام
مها
الخيط الرفيع
وعليكم السلام ورحمة الله وبركاته
أنتى اللي ايه الأخبار .. وعاملة ايه ؟
وايه الغيبة دي كلها ؟
أنا كويس الحمد لله فى أحسن حال
ربنا يخليكى ياستى
ياريت تطمنينى عليكى
holyday
وعليكم السلام ورحمة الله وبركاته
أشكرك لكلماتك العذبة
وأسعدتنى كثيرا زيارتك الكريمة
أتمنى أن يدوم تواصلك الكريم وتتشرف مدونتى المتواضعة بتشريفك دوما
Post a Comment