06 January, 2010

الملل


" الملل .. أبشع أنواع الملل ، الملل من شئ لا تستطيع الاستغناء عنه كأنما تمل من نفسك .. عشر سنوات ملل ، لن تبالغ ، ساعات وأيام صحيح كانت خالية من الملل ، ولكن يوم ملل واحد يجعلك تمل من العام كله .. أنه كالسم أقل القليل منه يقتل." *
-----------------------

* من قصة (بيت من لحم) من المجموعة القصصية التي تحمل نفس الأسم للكاتب يوسف إدريس


3 comments:

ما علينا said...

الملل قاتل لا يُقتل يا أبو صلاح

ولا تصدق من يقول نكسر الملل

لأنه زى الأنفلوزنا كدا
بياخد دورته ويعدى

وزى الأنفلونزا باردو
مش كل مرة زى التانية ساعات أشد وساعات اقل شدة

لكن لازم نتعرض له كلنا

ولازم لازم لازم
نشعر بالملل مما لا نستطيع الإستغناء عنه وإلا ما نبقاش بشر ولا بنحس


وزى ما هو سم أقله بيقتل

التعود على تعاطى جرعات منه كثيرا
بيكسبك مناعه ضده
ومش بتموت وفترة وبتعدى

طالت قصرت إن شاء الله بتعدى
بس مش بتعدى لوحدها

لازم انت توسع لها سكة علشان تعدى
يعنى يا ابو صلاح

طبيعى نمل ولازم نمل
بس ما نركنش بقى

زى اللى بياخد دور البرد
واحساس المرض نفسه رغم ان المرض خف
بيمرضه باستمرار احساسه بأعراض المرض


رغيت كتير انا صح

دا انت يا راجل عندك ملل وكتبت كام كلمة بالعافية

وانا جاية اقرفك واصدعك
ايه رأيك
زيادة الملل مللين يعنى


شكلى كدا هاخد اول تعليق


ربنا يزيح عنك الملل يا ابو صلاح
وترجع كدا تستعيد حيويتك ونشاطك


ونحاول نحاكى ايام زمان



كفاية كدا خنقتك انا عارفة
ومش بعيد اجى المرة الجاية
ألاقى يافطة ممنوع دخول ماعلينا

سلام يا ابو صلاح


صحيح عايزة أسألك
انت شيلت صورتك ليه
انت ناسي ان كان لك معجبين

فاكرهم ولا لاء ؟؟؟؟؟؟؟؟؟

ما علينا said...

مش عارفة ايه انفلوزنا دى
معلش بقى الحروف بتقع منى
وتترتب على مزاجها

هو دا التحديث في الصياغة بقى

abo salah said...

ما علينا


أسف يا ما علينا علي تأخري المُبالغ فيه في الرد

هأحاول أوسعلها السكة عشان تعدي

عيب تقولي كده بس يا ما علينا .. دا مكانك ووجودك فيه مش هيصدعني ولا يخنقني
أبداً وعلي العكس هيسعدني


ما هوا دا تقريبا نفس السبب .. شيلت الصورة عشان المعجبين كتروا
هههههههههههههه

خدي بالك دي دعابة