أعلم أنى غائب عن التدوين منذ فترة .. أعلم أنى مقصر فى زيارتكم والرد على تعليقاتكم .. ولكنى لست غائب عن التدوين فقط بل أنا غائب عن نفسى .. مزيج من مشاعر بالوحدة والغربة والعزلة تحاوطنى
أغرب ما فى الأمر أنى غائب عنكم أيضا رغم أنكم أنتم فقط القادرون على إنتشالى من الشعور بالوحدة
لا يعرف الشعور بالوحدة طريقا لىّ وأنا بينكم
ولا تستهدفنى العزلة وأنا أسبح معكم فى عالم يجمعنا لتتدفق عبره مشاعرنا وأفكارنا وكلماتنا
كثير منا يشعر أن عالمنا الإفتراضى هذا - عالم التدوين - أفضل بكثير من واقعنا
هذا ليس تشاؤما أو إحباطا أو فشل فى التعامل مع الواقع .. أنما هو فى أحيان كثيرة محاولة لإيجاد الذات والتنفيس عنها والإندماج مع مجتمع .. مجتمع تدوينى تحبه ويحبك خيرا ألف مرة من مجتمع الواقع .. مجتمع تجد نفسك فيه وقد وثقت بطريقة أو أخرى فى مشاركيك
أتعلمون لماذا ؟
من رأيى المتواضع السبب فى ذلك هو أن القلم قلما يكذب
وأن حاول الكذب .. فرغما عنه سيتقاطر الصدق وتسيل كلمات تفصح عن مشاعر وطبيعة صاحبها
أتمنى أن تدعوا لى بالخروج مما أنا فيه
أعتذر على عدم الرد على تعليقاتكم فى البوست السابق
ولكنى سأرد عليها أن شاء الله
أشكركم جميعا .. ثم أخص بالشكر هؤلاء الذين سألوا عنى وعن غيابى فى البوست السابق
أغرب ما فى الأمر أنى غائب عنكم أيضا رغم أنكم أنتم فقط القادرون على إنتشالى من الشعور بالوحدة
لا يعرف الشعور بالوحدة طريقا لىّ وأنا بينكم
ولا تستهدفنى العزلة وأنا أسبح معكم فى عالم يجمعنا لتتدفق عبره مشاعرنا وأفكارنا وكلماتنا
كثير منا يشعر أن عالمنا الإفتراضى هذا - عالم التدوين - أفضل بكثير من واقعنا
هذا ليس تشاؤما أو إحباطا أو فشل فى التعامل مع الواقع .. أنما هو فى أحيان كثيرة محاولة لإيجاد الذات والتنفيس عنها والإندماج مع مجتمع .. مجتمع تدوينى تحبه ويحبك خيرا ألف مرة من مجتمع الواقع .. مجتمع تجد نفسك فيه وقد وثقت بطريقة أو أخرى فى مشاركيك
أتعلمون لماذا ؟
من رأيى المتواضع السبب فى ذلك هو أن القلم قلما يكذب
وأن حاول الكذب .. فرغما عنه سيتقاطر الصدق وتسيل كلمات تفصح عن مشاعر وطبيعة صاحبها
أتمنى أن تدعوا لى بالخروج مما أنا فيه
أعتذر على عدم الرد على تعليقاتكم فى البوست السابق
ولكنى سأرد عليها أن شاء الله
أشكركم جميعا .. ثم أخص بالشكر هؤلاء الذين سألوا عنى وعن غيابى فى البوست السابق
أعتذر بشدة عن بعثرة كلماتى التى هى نتاج حالتى
40 comments:
زي ما انت بتقول
عالم التدوين
هيرجع لطبيعتك
يبقي يلا ارجع
وكفاية كدا
ورينا الابداع
والتعليقات
اللي في المدونات
منورة
متسنيانك
سلام
متغيبش كتير يا ابو صلاح
انت من الناس القليله جدا في العالم لتدويني ده الي بيسعدني سواء بتعليقه او بكتابته وروحه الحلوة
وربنا يسعدك يارب دايما
ان شاء الله الحاله اللى عندك دى حاتزول بسرعه وسيتبدل
الحال الى هنا وسرور ياريت تقرأ البوست الجديد بتاعى ربما يبدل الحال هو عن سر لو عملته كل طلباتك حاتتحقق
ربنا يحقق كل امانيك والبوست الجاى لك يكون عن السعاده
دمت بكل خير
لما شفت انك كاتب بوست جديد مش حوصفلك إحساسي كان إزاي بس لما شفت كلمة غائب كمان معرفش حسيت ازاي
فرحت انك كتبت و خفت من كلمة غائب
بس المهم انك كتبت، المهم اني حسيت بقلمك يخط كلمات تطمئننا عنك و لو ظاهريا و لكن في الحقيقة أقلقتني تلك المشاعر التي تشعر بها
لما لا تعود؟
فنحن معك و نحتاج وجودك فلما لا تعود و نفضفض كلنا معا؟
لما لا تعود و نعدك ان تجدنا
عزيزي أبو صلاح:
هي عدوى ولا اية؟
كل ما ادخل مدونة الاقي حالة اكتئاب؟
شوف:
انا مريت بحالة ربنا وحدة أعلم بيها
قد ما اكتئبت قد ما رجعت حسيت ان ايه الفايدة من الزعل؟
الدنيا حواليك كدة ولا كدة ماشية
سواء كنت فرحان او زعلان
رجعت طويت كل حاجة جوايا زي زمان
تناسيت كل حاجة وحشة عشان اعيش
شوف:
لو فضلت تدور على أسباب مطقية لاكتئاب هتلاقي مهما كان حواليك أسباب بهجة
والعكس:لو فضلت تدور على اسباب منطقية للفرح هتلاقي مهما كان حواليك اسباب زعل
انا عارفة ان الكلام جميل وان اللي على البر شاطر
بس والله انا بقولك الكلام ده من واقع عشته ولسه خارجة منه طازة
انا دورت على اسباب تفرحني..ولقيت
دور انت كمان...واكيد هتلاقي
اهم حاجة متستسلمش لنفسك وهي بتشدك لتحت
قاوم..حتى لو كانت المقاومة صعبة
المقاومة اهون كتير من اللي هتشوفه تحت
اذكر ربنا..صلي وادعي له..اشتكي همك ليه
هو اكتر واحد عارف اللي فيك من غير ما تتكلم
سيب نفسك لقلمك
افتح مدوناتنا وتواصل معانا..مش كفاية انك تتابع في صمت
واكيد بجد افتقدت تعليقك جدا
بعتلك تاج وانت حتى مش رديت
واكيد كمان بجد فرحت جدا جدا بتعليقك
انا عارفة ومتأكدة انك ان شاء الله هتعدي المرحلة دي
مش انت اللي تستسلم ليها
خالص تحياتي واحترامي وامنياتي بتجاوز المحنة
رنا
ابو صلاح
ربنا يفك كربك
وترجعلنا بالسلامة
لا تعتذر عن غيابك فنحن نقدر مشاعرك ونتمنى من الله ان تخرج سريعا من هذه الحالة
حاول الا تصتدم مع مايتعبك من واقعنا خذ منه مايريحك وابعد عن مايتعبك وحاول تجنبه
ركز كدة وطلع همومك على الورق واقول انا هعمل كذا وكذا وكذا وابددأ فى الفعل ومتستسلمشى لياسك يغلبك
تحياتى
ايمى
سلام عليك يا ابو صلاح
الف سلامة عليك من الاحباط و التعب ده
للاسف انا كمان غايبة عن عالم التدوين من فترة
البعد ده بيتعب اوي لانك بعيد عن عالم انت مرتاح فيه و لاقي نفسك منغير ما تحتاج انك تجمل كلماتك بس الجمال بيكون في صدقها منغير تفكير او ترتيب و انت بتخرجها للنور
اغنية البوست اللي فات مش عارفة ليه بقالي فترة بسمعها و محوطاني اوي.. مؤلمة اوي الاغنية دي
بحاول اهرب منها كل ما اسمعها..ليه ؟؟ مش عارفة
مش عارفة ااقولك غير ربنا يريحك و يبعد عنك احساس اللم ده
ارجع و اكتب اللي جواك منغير تفكير و اكيد راح ترتاح
سلام
مها
ربنا يعينك وتخرج من الحاله اللي انت فيها وترجع تاني للتدوين ونشوف ابداعاتك من تاني
في انتظارك
ابو صلاح الحلو
ارجع يا فنااااااااااااااان
اية يا ابو صلاح؟
لسة برضة مش عايز ترجع
طيب انا كنت عايزة اقولك على اخبار حلوة
ما ترجع بقى؟
بجد والله افتقدت تعليقك
الوحده ليست هى الانفراد
الوحده هى الشعور بالغربه وانت فى وسط الجميع
والشعور بالغربه وانت فى داخل الوطن
شوف يابو صلاح الشعور بيسطر على تسعين فى الميه مننا مش انت بس
لكن البعد ابداً مكنش علاج
ارجع واكتب قول كل الى فنفسك
سب واشخط وتف
اعمل كل الى يعجبك
لكن لا تصمت ابداً
تحياتى
ان شاء الله هتخرج من اللي انت فيه
وهترجع
مش مهم ترد على تعليقات
المهم ترجع لنفسك الاول
بعد كدا كل شيء بيهون
ربي يخفف عنك ويفرج كربك ان شاء الله
يا ابوصلاح
ما ينفعش انا ارجع وانت تغيب
قصدك ايه يعنى
مش طايقنى في الوسط التدويني
منتظراك اخى الغالى
ياه..مالك بس يا أحمد؟
ربنا يهون كل صعب ان شاء الله
ورغم اني ماعرفش ..ايه الى خلاك غائب ومغترب كدا
لكن ..ثق ان كل شئ قابل للتغير
انا يمكن اكون زيك..لكن أديني باعافر مع روحي
انت كمان ماتغيبش تاني عننا
وصدقني قريب ..هتلاقي الحال اتبدل للأجمل
:)
خلي بالك من أبوصلاح
أنا مش عارفة الناس كلها مكتئبة ليه ؟
يا رب متطولش فى اللى انت فيه ولا انا ولا كل المكتئبين ..
انت لوحدك اللى تقدر تطلع فسك من لحالةدي ..متستناش حد ومتستناش حاجة
vanilla
دخلت و الأمل في قلبي علٌني أجد خبرا
و لكن يا ليتني مضيت دون أن أدخل فقد وجدت ألما
وجدت كلمات تنادي بإسمك و أحرفا تقول هيا عد
وجدت كل شيئ ينتظرك كأنك منقذهم من الغرق
أو كأنك دليلهم للطريق بعد توهان دام في الصراء
أما آن الأوان كي تعود لنا؟؟ فحقا يا ليتني مضيت دون أن أدخل عالمك الذي ينتظرك بهذا الشوق
************
كنت أتمني أن أدخل مدونتك و أجدك قد عدت لنا و لكن سأخرج و أنا أجر أذيال الخيبة
أرجوك عد
رغدة
ولما لا !!!!
فكلنا بشر
اخرجك الله من محنة و اغلف عليك منها كل الخير
السلام عليكم جميعا
----------------
فى البداية أعتذر بشدة عن تأخرى فى الرد على تعليقاتكم الكريمة بسبب حالتى التى تعلمونها
وأشكركم جميعا على سعة صدركم وتحملكم تقصيرى وعدم زياراتى لمدوناتكم الكريمة
وأشكر لكم جميعا وقوفكم إلى جانبى واهتمامكم وسؤالك الدائم عنى
وأسال الله دوما أن لا يحرمنى منكم ولا من إطلالاتكم ولا من حبكم لى
وسأرد على تعليقاتكم كل على حدة
كما أنى رديت على تعليقاتكم السابقة كما وعدت
لكم منى خالص التحية والاحترام
My Hope$
الله يكرمك يا منى على كلامك الجميل دا
ابداع ايه بس يا شيخة
دا بس من ذوقك
دايما كده مشجعانى .. ربنا يخليكى
منورة يامنى
لماضة
وأنتى من الناس اللى باهتم بوجودها فى مدونتى المتواضعة .. ويسعدنى مجرد رؤية أسمهم الكريم
القلوب عند بعضها يا لماضة
وربنا يخليكى على كلامك الطيب دا
klmat
الصراحة أنا مش عارف أشكرك أزاى على دعواتك الجميلة دى
يارب أنتى كمان تكون حياتك كلها هنا وسرور
وأن شاء الله أزورك واقرأ البوست وأشوف أيه حكاية السر دا
رحيق الحياة
تعلمين جيدا أن تعليقك هذا وكلماتك الرقيقة هذه جعلتنى أركض إلى مدونتك كى أخط لكى ردى عليها
فلم أطق الانتظار حتى تأتى لحظة ردى على التعليقات وأثرت أن أرد على كلماتك العذبة هذه فور رؤيتى لها
مرة أخرى وأخرى أخرى أشكرك جدا على شعورك النبيل هذا
يوميات نائمة في الأرياف
مش عارف اتكلم اقول ايه بعد كلامك الجميل دا يا رنا
بجد أنا اللى كنت مفتقد وجودك وتعليقاتك
كل كلمة قولتيها عندك حق فيها
ادعيلى يا رنا
ومعلش أنا أسف أنى لسه ماردتش على التاج
بس تعرفى
يكفى أن فى حاليا سبب يسعدنى
وهو أنك تجاوزتى محنتك ورجعتى تانى رنا اللى نعرفها
بجد والله دا شئ اسعدنى جدا
ويارب دايما تكونى سعيدة وبأحسن حال
وما تخافيش عليا مش هاستسلم أن شاء الله
EMMY BABY
ربنا يخليكى يا إيمى
وشكرا على دعواتك الطيبة
من أجمل الحاجات أنكم مقدرين مشاعرى
شكرا لكل كلمة قولتيها يا إيمى
وفعلا هاحاول ابعد عن الاصتدام
maha
وعليكم السلام ورحمة الله وبركاته
الله يسلمك يا مها
أكيد الواحد بيتعب اوى لما يبعد عن اكتر مكان بيقدر فيه يتنفس ويستنشق هوا نقى
ودا الحال فى التدوين
هروبك من الأغنية من صعوبة موقفها .. ربنا ما يكتبه عليكى
أشكرك على دعوتك ليا
ومنورة دايما يا مها
ساسو
ربنا يخليكى يا ساسو
وما يحرمنيش من وجودك الجميل
خالص تحياتى ليكى
kafrawy
انت اللي فنان يا كفراوى
ويكفى ذوقك وسؤالك الدائم عنى
ربنا يخليك يا غالى
يوميات نائمة في الأرياف
اخبار حلوة؟
قولى يا رنا
فرحينى ياستى
وربنا يجعل كل أخبار حياتك سعيدة وحلوة
هأرجع أن شاء الله يا رنا
momken
الوحده ليست هى الانفراد
الوحده هى الشعور بالغربه وانت فى وسط الجميع
فعلا عندك حق هيا دى الوحدة اللى أنا بأعانى منها
ربنا يخليك يا ممكن على كلامك
وأدينى باحاول اكسر الصمت
ما علينا
أن كنت لسه ماعبرتش كما ينبغى بفرحتى وسعادتى برجوعك ورؤية أسمك من جديد فى مدونتى المتواضعة
فالأكيد أنك عارفة وحاسة بالسعادة دى اللى لسه ماعبرتش عنها لفظا وكتابة كما ينبغى
ايه الكلام دا بس .. معقول أنا مش طايقك فى الوسط التدوينى
قصدك أنا مش طايق الوسط التدوينى ينقصه أسم ما علينا
وربنا يخليكى على دعواتك ليا يا ماعلينا
ربنا يكرمك ويفرح قلبك ان شاء الله :)
بقيا انا اول مرة اجى عندك الاقيك زعلان وغايب كدة ؟؟
ان شاء الله ترجع تانى تكتب كل ساعتين بوست جديد :D
على فكرة انا بحب الاغنية اللى انت حاططها دي اوى :)
تحياتى ليك :)
طيب فين
يللا عايزة اشوف بوستاتك
وانا هادعيلك كوليكشن دعوات
ربنا يرضى عنك يارب
علشان ترضى عن نفسك
ودي هي غاية السعادة ربنا يرزقك اياها
كله يقول امين
أبو صلاح
ولايهمك فتره وهتعدى
وإن شاء الله هترجع للتدوين من تانى
إحمد ربنا إن فيه جانب فى حياتك بيسعدك
اللى هو التدوين والكتابه
ربنا يسعدك يااااارب ويريح بالك
ألزم الأستغفار ياأبو صلاح
وبإذن الله هتشوف العجب
وتبقى إدعيلنا إنت بقى:)
سلااااام
dr.Roufy
دايما بتحرجينى بكلامك الجميل دا يا دكتورة روفى
وعندك حق .. كل شئ قابل للتغيير
ماتخافيش يادكتورة على أبو صلاح
أنا هأخد بالى منه كويس
vanilla
مش عارف .. باينه فيروس منتشر اليومين دول
ربنا يفرح كل الناس
ويبعد عنهم الهم والغم
اللهم أمين
ويارب أنتى كمان تخرجى من اللى أنتى فيه
أسعدتنى زيارتك الكريمة
رحيق الحياة
وهكذا تتوالى مرات وقوفى عاجزا أمام تعليقاتك
من تعليق لتعليق يزداد حرجى من كلماتك المهذبة الطيبة
أشعر دايما بأن كلماتك أكبر بكثير من كونى استحقها
وأسال المولى أن يجعلنا دايما عند حسن ظنكم جميعا
أعتذر بشدة أن كنت تسببت فى شعورك بخيبة الأمل
أنا أقل بكثير من أن ترجونى .. وأن كان هذا فهو من كرم مشاعرك ودماثة خلقك
وأن حدث فلم أكن لأخيب لكى رجاء
ولا لأحد منكم
سأعود أن شاء الله
سأعود تدريجيا لعالم احتضننى
لعالم يسعدنى حب كل من فيه
أشكرك على كل كلمة يا رغدة
تــــــــــ(حـنة)ـــــــر
نعم .. فكلنا بشر
جزاك الله خيرا يا تمر حنة على دعواتك الطيبة
وأشرقت المدونة من جديد بوجود أسمك الكريم
كفايـة طيبـة
ربنا يخليكى على كلامك الجميل دا
وبجد أنا باعتذر عن كونك تشرفينى أول مرة .. تلاقينى فيها بالحالة دى
ويسعدنى تشريفك دايما
ومرحبا بيكى صديقة لمدونتى المتواضعة بل وصاحبة مكان كمان
ما علينا
الله عليكى يا ماعلينا
نفس مقولتى الدائمة
دايما أن كمان بأقول أن قمة السعادة .. فى الشعور بالرضا عن النفس اللي نابع من رضا الله عن العبد
ربنا ينوله لنا كلنا
ربنا يخليكى ياستى على الدعوات
عايز تشوفى بوستاتى
ليه كده بس
ما تشوفيش وحش ياستى
هههههههههههه
عامة ماشى ياستى
مقدرش أرفضلك طلب
mnoon
الحمد لله على نعمة الكتابة والتدوين وحب كل المدونين
فعلا جانب بيسعدنى وعالم بيضمنى بكل الحب والأحترام المتبادل فيه
عندك حق
من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب
ربنا يخليكى
وبجد شكرا على كلامك
ومتخافيش أن هادعيلك من غير حاجة ياستى
ودايما منورة
لا تستسلم عزيزى لهذة الحاله
بل انصحك بأن تضغط بكل قوتك على مكان
الالم حتى فكلما ذاد الوجع زادت معه نسبة الشفاء
تمسك بكل من تحبهم وبكل من هم مقربين منك
وبكل شئ تحبة ف الحياه
اجعله لا يفارقك
ستنتهى هذة اللحظات قطعا عن قرب
ادعو الله العزيز الجبار ان يقويك ويهديك الى ما يحبة ويرضاه
انتظرك..
Post a Comment