10 November, 2007

يومٌ أخر .. ولا على البال


يرتبط فى أذهاننا ان من يتسمر من المفأجاة .. يظل ثابتا لا يتحرك حتى تذول دهشته
ولكن السؤال متى تتسمر من المفاجأة ورغم ذلك أنت مازالت غير ثابت حركيا؟
تعلم متى يحدث هذا؟
يحدث هذا فقط ان كنت تسمرت من المفأجاة وأنت اساسا على جسم متحرك يسير بسرعة كبيرة

صُعقت حينما وجدتهما أمامى مباشرة .. يسيران بمحاذاة بعضهما تماما .. وعن يمينى الرصيف وعن يسارى الصف المركون
بيييييييب ... بييييييييييب
اتجهت يدى سريعا إلى الفرامل الخلفية .. وضغطت بشدة .. وكانت المفأجاة
اتجهت يدى سريعا إلي الفرامل الأمامية .. رغم أنه يُحذر استخدام الأمامية فى مثل هذه المواقف حتى لا انقلب .. ولكنى ضغطت بحذر .. وكانت مفأجاة أكبر
بييييييييييييييب
الأن لامفر من الاصتـــــــ
ولكن ماهذا .. هذه ليست البداية .. ماذا أتي بى إلي هذا المشهد السينمائي .. اذن فلنعود إلي البداية




الجمعة 11 / 2

أسبوع شاق ذلك الذى مررت به .. جعلنى أنتظر يوم الجمعة بشغف كبير .. وعندما جاء يوم الجمعة وجلست فى المنزل .. وجدت أن حالة من الملل الرهيب تنتابنى .. كان من المفترض أن أنعم بالنوم لعدة ساعات من بعد صلاة الجمعة .. ولكن حتى النوم خذلنى .. اشعر بجو المنزل يخنقنى بشدة .. اقضى الساعات ذهابا وإيابا بين الغرف .. تارة اجلس على الكمبيوتر وأقوم بعد دقيقة واحدة دون أن أفعل شئ .. وتارة أمسك ريموت التلفاز ثم انحيه جانبا دون أن استقر على شئ .. وتارة أمسك كتاب فاقرأ منه الغلاف فقط الذى قرأته مئات المرات ثم اتركه
كل هذا جعلنى ابحث بشدة عن شئ جديد لأفعله .. ولكن ماهو؟ .. أخيرا يبدو أن هذا الشئ الجديد سيكون النوم .. سأحاول النوم مرة ثانية .. وفى طريقى إلى النوم .. جاءنى صوت أمى
أحمد .. مش هتروح تدفع فلوس النت وأنت فاضى كده
كنت قد نسيت تماما ميعاد تجديد الاشتراك الشهرى للنت .. أرتديت ملابسى .. وفجأة انتابتنى حالة الملل من جديد
وكأن الملل يخاطبنى قائلا
ياااا .. برضه هتروح الشركة بالطريقة المملة بتاعت كل شهر .. تركب ميكروباص تنزل منه تركب التانى .. وتمشى شوية لغاية الشركة .. دا أيه الملل ده
؟


فكرة

لا أعلم لماذا هذه الفكرة تحديدا .. ولكنى رأيت انها هى الشئ الجديد الذى أفعله ويخرجنى من هذا الملل .. غادرت المنزل ، بعد أن اطمأنيت إلى أنه معى مايزيد عن حاجتى من الفلوس .. فقد تعلمت الدرس جيدا من
يومى الذى ولا على البال السابق .. غادرت وأنا مقرر أن أذهب إلى الشركة اليوم بدراجة
يبعد مقر الشركة عن منزلنا بحوالى محطتين وتحديدا يقع فى حى المعادى .. بما يستغرق نصف ساعة للذهاب إليه
وقبل أن أخرج من شارعى قابلت محمود صديقى .. وبعد أن سلمت عليه

ماتعرفش والنبى ياحودة حد هنا ممكن آجر منه عجلة
ليييه ياعم أنتا داخل سبق ولا أيه؟
لا اصلى رايح ادفع اشتراك النت .. وبينى بينك طقت فى دماغى أنى اروح بعجلة
هتروح لغاية المعادى بعجلة؟
ياعم بسيطة . . أهو تجديد
طيب بص هتخرج من شارعنا هتمشى شمال هتلاقى واحد على ايدك الليمين
يااااا .. تصدق ياحودة كنت فاكر ان الراجل ده غير نشاطه .. شكرا ياباشا
بقولك ياأحمد صحيح قولى ايه رأيك فى الصور دى .. اتصورتها امبارح
لا جميلة ياحودة .. تصدق أنا كمان عايز اتصور من اسبوع وكل يوم أنسى .. بقولك ايه ياحودة ماتدينى رنة بعد ساعة كده اكون رجعت وافتكر برنتك دى أنى اروح اتصور .. ماشى ؟؟
ماشى ياحج .. يالا روح انتا وخد بالك من الطريق .. سلام
سلام

دخلت على الراجل صاحب محل تأجير الدراجات

سلام عليكم .. والنبى ياباشا عايز أجر عجلة
امممم .. طيب بطاقتك الشخصية بعد أذنك

مددت يدى ببطاقتى .. كنت اعلم انه سيطلبها .. لم يقلقني هذا .. فمعى فى محفظتى مالايقل عن 4 اثباتات للشخصية

بص أنا رايح أقضى بالعجلة مشوار .. مش رايح العب بيها ولا أخد لفة .. يعني شوفلى واحدة محترمة عشان ولا تعطل منى ولا جنزير يقع تبقي مشكلة
طيب خد الاولي اللي هناك دى هتعجبك

أما عن مهارتى فى قيادة الدراجات .. فلا غبار عليها
يكفيك أن تعلم أننى لم أقد دراجة من 10 سنوات باستثناء تلك المرات الغير كاملة فى رحلات القناطر وغيرها من الرحلات
ويكفيك أن تعلم اننى قد فرطت فى دراجتى الشخصية وأنا مازلت فى العاشرة من عمرى .. لأننى وجدت أنه لا مفر من حصولى على المركز الأخير فى سباقات اطفال منطقتنا
أما الأن فالوضع مختلف .. وها أنا الأن محترف فى الـــــ
ركبت الدراجة سريعا .. اختل توازنى فى البداية .. ثم استقر الأمر .. بدأت المتعة تغمرنى .. كم اعشق قيادة الدراجات .. مازلت بسرعة متواضعة .. لم أبغى أن ازيد من سرعتى الأن .. الطريق السريع امامى .. ثانية وأصل إليه


بداية القصيدة

بمجرد خروجى إلى الطريق السريع .. فوجئت بسيارة مسرعة أتية .. انحرفت بقوة جهة اليسار .. وفى انحرافى المفاجئ اصتدمت مؤخرة دراجتى بمقدمة دراجة شخص خلفى .. الصدمة جعلت دراجته تسقط ارضا .. ولكن هو لم يسقط والحمد لله
وجدت أنه ليس من أخلاقى أن انطلق مسرعا وأتركه خلفى .. لذلك وقفت على جانب الطريق أنتظره متوقعا سيل من السباب
ولكنه أتى متسامحا مبتسما .. أعتذرت له .. واكملت طريقى
لن يعكر ذلك متعة رحلتى .. استخرج خريطة المنطقة من عقلى كى ابحث عن اختصارات فلن أسير فى هذا الطريق التقليدى
كان يتحتم علىّ أن اعبر إلى الاتجاه المعاكس وأسير فيه مايقرب من 15 متر .. حتى أخذ شارعا على اليمين


المفأجاة

وبمجرد دخولى إلى الطريق المعاكس .. فوجئت أمامى مباشرة بسيارتين يسيران بمحاذاة بعضهما .. أنا فى المواجهة تماما .. يسارا الرصيف .. ويمينا صف من السيارات المركونة
ااااااه .. مشكلة .. الأن يتحتم علىّ الوقوف نهائيا والانحراف نحو السيارات المركونة
كل هذا فى جزء من الثانية .. كانت سرعتى أعلى من المتوسطة قليلا .. اتجهت يدى نحو فرامل الخلف سريعا .. وبدأت فى الضغط
ااااااااااااخ
الفرامل الخلفية لا تعمل .. اضغط مرة ثانية .. لا فائدة
بيييييييييييييييييييييييب
يبدو أن الاصتدام أتى لا محالة
أنظر إلي عجلات السيارتين .. فأجدهم ينهشون المسافة الفاصلة بنهم شديد
بيييييييييييييييييييييييييييب
وليكن ساستخدم الفرامل الامامية بحذر .. اضغط
وبدلا من ان تقف الدراجة .. اسمع صوتا من عقلى يقول
ابتسم .. أنت تقود دراجة بدون فرامل
وصوتا أخر يقول .. اختر من بين الاقواس .. تفضل الاصتدام بـــ
الرصيف
ولا صف السيارات المركونة
ولا احدى السيارتين المتحركتين
بييييييييييييييييب

اخيرا يقرر عقلى أن ينحى هذه الاصوات جانبا .. ويذهب ليقطع تذكرة يدخل بها السينما
ويشاهد ممدوع عبد العليم .. ويجعلنى أتذكر مشهدا واحدا .. مشهدا يقول

ياسنة سوخة ياولاد
مابيعرفش يوجفهااااا .. مابيعرف يوجفهاااا
ا


to be continued

الجزء الثانى

الجزء الثالث والأخير

71 comments:

sahr said...

بسجل فرحتي فيك كاول واحده
هاروح اقرأ بقى واجي

sahr said...

اولا : اللهم لا شماته .. عاوزاك تعرف انا بفرح فيك اه لكن شماته لا والله. ممكن يكون المعنيين قريبين من بعض بس شماته لا

ثانيا : موقفك دا ماينفعش افرح فيك ادعيلك بس ترجع بيتكم سليم وبما انك كتبت البوست دا تبقى الحمد لله بخير ومفيش اصابات
بس هافرح فيك في الاخر ماتقلقش يعني
على فكرة انا تقريبا حصلي نفس اللي حصلك دا بس من زمان كنت انا واختي راكبين العجلة اللي هي كبيرة دي اللي عاملة زي العربية ما علينا ماشيين علي يمبينا الرصيف وعلى الشمال اتوبيس كبير واقف وجاي في وشنا اتوبيس فكرنا بسرعه نزلنا وسبنا العجلة
نفدنا بعمرنا
بس العجلة محصلهاش حاجة

ثالثا : بالنسبة لساندوتشات المربى بالقشطة انا لو اعرف انك بتحبها للدرجة دي واكنت اعرف من زمان كنت والله جبتهالك عن طيب نية
هاقولك على حاجة احسن من المربى بالقشطة جرب المربى بالجبنة القديمة وقبل ما تتكلم او تعلق باي تعليق جربها الاول انا محبتش المربى الا لما جربتها مع الجبنة القديمة
ولو عجبتك عندي ليك وصفات تانية هتعجبك اوي
مستنية الجزء التاني بسرعه برده

Anonymous said...

السلام عليكم ورحمة الله وبركاته

ازيك يا احمد
عجلة يا عيل؟
انت مرة تركب صندل ومرة تركب عجلة
ولا مرة بتحرم من الحاجات الغريبة اللى بتركبها دى
يلا مستنية الباقى على نار عشان ارفح فيك اكتر
سلاااااااااام
زوزو

حبة حاجات (ايمان) said...

والله احلى فكره عملتها انك ركبت العجله
ياليت الشباب والعجله يعودو يوما

بس والله لو ركبت ايه ...فى الزحمه اللى احنا بقينا فيها والخنقه هتتعطل يعنى هتتعطل

تحياتى ليك

dr.Roufy said...

ياخبر دا انت ايامك كلها ولا على البال يابني
بس بجد اسلوبك مشوق ولذيذ جدا
بيشدني قوي..بجد
مستنية بقى على أحر من الجمر أعرف وجفتها..ولا هما الى وجفوها
هههههههههههههه

تحياتي

Unknown said...

طيب كنت قولي ده انا استاذه عجل
مره استلفت عجلة البواب لفتين و رجعتها انا بعشق العجل
بس عايزه اعرف حصل ايه
متتأخرش علينا

soka said...

السلام عليكم
جرى ايه ياابو صلاح هى ايامك كلها كده ولا ع البال ربنا يسترلك طريقك يابنى دايما تورط نفسك كده فى حاجات ملكش فيها مالك ومالك العجل انت بس طالما مابتعرفش توجفها بتركبها ليييييه؟

Che The Hermit said...

أبو صلاح
اقولك تعالي اديك درس خصوصي في كيفية قيادة الدراجات من غري ما تمسك الجادون اصلا او يكون معاك فرامل انا واخد على كدا صحيح انا من عشاق العجل زى اليابنين كدا مش ناقصه تلوث وبتاع
انا مش شمتان لا سمح الله

سيبك انت اهم حاجة اتصورت ولا لأ

تشي

البِـئرُ والظمّأْ said...

هههههههههه
سلام الله عليك يا باشا
لا جميل جميل بجد
ما تتخيلش البطئ اللي كنت بقرا بيه عشان ما اخلصش البوست بسرعه
لاني بجد كنت مستمتعه جدا و انا بقراه


لا بس مفيش قدامك الوقت غير الاصطدام يتهيالي
انت نفسك عقلك مش هيديك فرصه تفكر
ههههه
اصل حصلت

لا بجد جميل قوي يا احمد
ما تطولش بقا و قولنا اللي حصل
0
0
زيــزي

حياة الأحلام said...

يا خبر ابيض يا ولالالالالالالالالاد

أدى اخرت ركوب العجل مش بيجى من وراه الا كده
اسلوبك مشوق وبجد ضحكتنى
مستنيه الباقى بجد اوى
وجفهاااااااااااااااا يا عم وجفهاااااااااا

تعرف كل ما اروح مصيف او حته فاضيه اقرر اركب عجله والنتيجه دايما محسومه لازم اقع وقعه تمااااااااااااااااام او اكسر حاجه

او محمد اخويا يخلصنى من الوقعه على اخر لحظه ويدينى طريحه كويسه كل مره اقولك ما تركبيش عجله فى الاخر وعجله كمان ما تعرفيش بايظه ولا ايه قررت لما اروح البلد اركب حمار اظرف بكتير وحد بيجى يسوقه معايا
بس ده علشان ممنوع من سواقه العربيات مجتمع ذكورى لاسف :D

مستنيه الباقى

yas said...

هههههههههههههههههه
اسلوبك حلو اوى فى الحكى
ياريت بقي تكمل بسرعة انا عرفاك بطىء موت
المهم حمد الله على سلامتك اكيد انت كويس مادام كتبتلنا البوست ده
انا برضه مش بعرف اسوق عجل خلاص اخواتى يأسوا من تعليمى
سلام

mesh2dra said...

السلام عليكم

هههههههههههههه
مابيعرفش يوجفها

بصراحة كنت مستمتعة جدا وانا بقرا
اسلوبك رائع


انا نفسي تبقى وسيلة المواصلات الرئيسية تبقى عجل
بجد ركوبها ممتع جدااا

يالا مستنيين الباقي

***
واخبار مشروع التخرج ايه؟!
لا فيها تطفل ولا احراج
انا اعلام القاهرة
لو احتجت حاجة بجد نحن في الخدمة

سلاماتي

SunShine said...

hahaha omG! i love riding biks too and i'm a good driver ;) bas 3áreba 3omr ma el ragel sa2lny 3ala el beta2a =D hehehehe...
el mohem ya rab tekon mesh 2a5er mara we 3alala tekon re7la 7elwa =)
waiting for the rest..

ما علينا said...

تصدق بالله

غتاته بغتاته مش هاعلق

الا لما تكمل باقي اليوم

انا مش باحب التعليق كدا

ماشي يا عم احمد

هو ايه اصله دا

قاعدة مركزة وعايزة اعرف جرالك ايه

تقوم تقولي

يستكمل

ماشي
ماشي

ياسمين حميد said...

ياخبر!ه
وياترى متّ ولا لسه عايش؟

فى القلب said...

OpPPPPPSSS

معلش يا ابو صلاح و لا يهمك

بس و الله فكره جامده جدا جدا
حكايه العجله دى

ياريت كلنا نفكر بنفس الطريقه المنطلقه

Unknown said...

طلعت عجلة مش متوسكل يعني
طب كنت كملت الحكاية اية الزل دة والتشويق الفظيع دة
انا مرة كنت سايقة كرنك في مطروح
وطلعت انا ولاد خلاتي علي الشارع والكرنك الفة مش بيتلف افرمل مش بيفرمل والعربية خلاص هتشلني
وبعدين لاقيت طلعايا فابنت خالتي سايقة جنبي فا بقولها شوفتي اخدة بالك من اول ما ابتديت اسوق بسرعة واحنا طالعين بسهولة ازاي
قالتلي لا يافالحة دة في واحد ورا بيزقنا
مصدقتش برمي راسي ورا لاقيت شاب كدا مقطقط بيزقنا قومت ضاحكة ومكسوفة موت وبقيت مش عارفة اقولة الية وبقيت اقولة مرسي مرسي
شكرا متزقش اول ما سبنا لاقينا الكرنك بيرجع لورا والعربية جاية بمنتهي السرعةواحنا بنرجع بقفانا
كان يوم فظيع واحنا نازلين النزلايا اصل كنا عملنها لعبتنا خطبنا في كرنك بنت خالتي نهال واتقلبنا بالكرنك
ههههههههه
كان يوم مسخرة
يلا الحمدلله عدي علي خير
المهم انت اية اللي حصل
يلامعلش التاخير لسة جاية من السفر امبارح
الحمدلله
سلام

Unknown said...

عم ابو صلاح انا جيت شوفت كومنتك يابني انا هنا انت اللي فينك

abo salah said...

sahr

يافرحتى .. بتفرحى فيا بس
لا بسيطة .. هههههه
ياستى مصدقك من غير ما تحلفى

دا أنا قولت ان الكمبيوتر عملها وباظ .. وأنتى مش هتيجي تفرحى فيا
عامة ياستى منورة اول تعليق

فى الاول
موقفك دا ماينفعش افرح فيك ادعيلك بس
وبعد كده
بس هافرح فيك في الاخر ماتقلقش يعني

انتى جيتي تكحليها عميتيها خالص
أنا بقى مش هالحق حتى اسيب العجلة واجرى .. عشان ادامى اقل من نص ثانية على الاصتدام

علي فكرة أنا مابحبش المربى بالقشطة للدرجة دي يعني
مال تعليقك قلب في الأخر علي حلقة من حلقات مني عامر كده
ههههههه
ان شاء الله مش هتستنى كتير
بس ادعيلي انتي

abo salah said...

زوزو

وعليكم السلام ورحمة الله وبركاته

ازيك انتى يازوزو
عيل ؟ .. طيب لما اشوفك فى الجرنال يازوزو
هندمك على الكلمة دى

ماشي .. ماشي .. ماتخلنيش ادعى عليكي تشوفى يوم من الايام دي

وانتى كمان عايزة تفرحى فيا
ماشي ياستى
أيه ياجدعان هوا أنا عملتلكم حاجة؟

يالا ياستي
سلام

abo salah said...

حبة حاجات (ايمان

عندك حق ياإيمان
ياليت الشباب والعجله يعودو يوما

دا لو مش راكب عجلة بس
دا أنتا كمان لو راكب دماغك
برضه هتتعطل .. هتتعطل

منورة دايما ياإيمان

abo salah said...

dr.Roufy

اعمل ايه يادكتورة روفى ؟
ماهوه انا اللي فيا حاجة غلط
لاما أنا اللي فيا حاجة غلط

دايما انتظر تعليقك ورأيك سواء على المضمون نفسه او على الاسلوب السردى
لأن شهادتك تهمنى

ياريتها رضيت تجف ياروفى

منورة دايما ياستى

abo salah said...

EmY

اقولك ايه بس ياإيمي .. دا هيا كلها اقل من ثانية وهابقي في طي النسيان

عامة لو خرجت من الموضوع ده علي خير .. ومااتعقدتش من العجل
ابقي علمينا ياستى

ان شاء الله هاحاول ماأتاخرش

abo salah said...

soka

وعليكم السلام ورحمة الله وبركاته

منورة والله ياسوكة
تعليقاتك دايما بتفرحنى

طيب انا اعمل ايه بس ياستى لايامي دي .. استخبى في البيت يعني واعمل بيات شتوي ؟

شتوي ايه بس .. دا أنا بيات سنوي كمان
انا كنت فاكر ان اسهل حاجة هيا اني اوجفها .. بس في الموقف ده توجيفها بقي امنية

ربنا يخليكي علي دعوتك الجميلة دي

الخيط الرفيع said...

ههههههههههههههههههههههههه
انا ما بطلتش ضحك
انا بكرة التطويل في البوستات
بس الفكرة اللي فوق دي بجد اعلان تحفة للبوسط
يا سلللللللللللللام علي الدماغ
لو هتختار مجال في الاعلام اختار اعلان
عندي بوست جديد فينك هو انتي مش بتشيك علي البلوج بتاعي كل يومين تلاته ولا ايه
شكلك ولا ايه

بس مش شايف انك هتبهدلنا فضول نعرف اخرة التجديد بتاعك ايه

Che The Hermit said...

ابو صلاح
عارف انك مشغول الايام دي علشان مشروع التخرج بس ابقي بس شاركنا

http://cheeeeeez.blogspot.com/2007/11/blog-post_15.html
حملة ويكي بالعربي

مستنيك لما تفضي

تشي

Anonymous said...

هاى يالماضه ازيك ماتهيلى المرة دى مش هيخونك ذكائك اكيد عرفتنى طبعااولا بالنسبة للموقف انا مش هقولك احسن ولا من اعمالكم سلط عليكم وطبعا انت عارف اعمالكم ديه ايه بس هقولك يابنى الى مابيعرفش يسوق عجل مايركابوش او لو خلاص بقى هتموت وتركب عجل فى عجل بسنادات هههههههههههه وابقى ركب عبد الرحمن معاك ثانيا بالنسبه للبوست الحق يقال اسلوبك حلو قوى وبجد شدنى وعايزة اعرف ايه الى حصل بعد كده بس مش ماتهيلى كفايه كده ايام على البال اعتقد ان الجمعة ديه بقى انت مش هتتحرك من السرير بعد الاسبوع الجامد ده المهم استغل الفرصه ديه واكتب بقية اليوم مش عارفة ليه حساه كان يوم اسود عليك عموما تعيش وتاخد غيرها ( سلاموز(ليمت

kafrawy said...

يافرحتى بيك و انت سايق العجلة

عيب عليك ف السن دة و متعرفش تركب عجلة

تعالوازورونا

SunShine said...

i'm still waiting for part two <<

sahr said...

انت هنا؟

كلمات تأتى وتختفى فجأة said...

السلام عليكم ورحمة الله وبركاته

عامل ايه الاول يارب تكون بخير بعد اللى حصل طمنا عليك
وبعدين ايه ده يا ابنى مغامرات على بابا والعجلة
ربنا يكون فى عونك من الايام اللى ولا على البال
و هى دى عجلة تركبها كنت جربها الاول انا لو منى منك ارجعها مكسره واقوله انت مديهانى كده زى ما ضحك عليك - انا اسف ماتزعلش منى

فى انتظار انتهاء الفاصل لتواصل البقية يا على بابا

تقبل احترامى

abo salah said...

Che The Sad

ياباشا دا أنا حصلي كده وأنا ماسك الجادون بإيدي الاتنين وقافش عليه ولا كأنه هيتسرق مني

مابالك بقي لو سوقت من غير ماامسك الجادون
كنت زماني في خبر كان

ابقي قولي الحصة بكام عندك عشان أجي أخد عندك درس

مش فاهم
اتصورت فين يعني
قصدك وأنا راكب العجلة؟

تحياتي

abo salah said...

Meekness !!!

وعليكم السلام ورحمة الله وبركاته
أزيك يازيزي؟

ربنا يخليكي يازيزي علي كلامك الجميل ده
وربنا أن شاء الله مايجيب اصتدام

معلش أنا عارف أني أتاخرت اوي في كتابة بقية الاحداث
بس ان شاء الله هاكتبها النهارده بالليل

مشرقة دايما ياصاحبة البئر

abo salah said...

حياة الأحلام

قولي ياخبر عجلة خربانة
ياخبر فرامل مش شغالة
ياخبر بني أدم هيكون في خبر كأن بعد شوية

مش ياخبر أبيض
هههههههه

والله الحمار أمن بكتير
ولا محتاج فرامل ولا بتاع حوادث

ان شاء الله هاكمل النهارده ومعلش اتاخرت عليكم

منورة دائما ياحياة الاحلام

abo salah said...

yasmine

ربنا يخليكي ياستي علي كلامك الجميل ده
والله تأخيري عليكم بيبقي غصب عني يا ياسمين

المشكلة اني مصمم اني باعرف اشوق عجل
هههههههه

تحياتي ليكي

abo salah said...

mesh2dra

وعليكم السلام ورحمة الله وبركاته

ربنا يخليكي يامش قادرة
شهادتك دي اعتز بيها
بس لو اسلوبي رائع سواقتي في العجل مش رائعة خالص
ههههههههه

ربنا يوفقك
احنا بنروح عندكم كتير في إعلام القاهرة عشان بندخل مكتبة إعلام هناك

واكيد لو احتجت حاجة مش هتأخر اني اطلب مساعدتك
والمشروع اهوه شغالين في
بس دعواتك بقي
ربنا يباركلك

abo salah said...

SunShine

شكل الراجل شك فيا فعشان كده طلب البطاقة

بس علي فكرة دي عادية لأنه مايعرفنيش
فهيتأكد منين اني مش هاسرق العجلة

امممممم
علي الله تكون رحلة حلوة
فاكرك كده

هنشوف

abo salah said...

ما علينا

هههههههه
ايه ياماعلينا الدخلة الجامدة دي
انا فضلت اضحك اول ماقريت تعليقك ده

انا ماتهيألي اني لو كنت ادامك كنتي ضربتيني كمان

والله ياستي ماقصدي اغتت عليكي

ههههههه
ماشي ياستي النهارده ان شاء الله هاكمل بقية الاحداث بس مش للأخر

يعني هتلاقي برضه

يستكمل

abo salah said...

ياسمين حميد

اولا ياستي ارحب بيكي في مدونتي المتواضعة
واتمني دوام التواصل

وإجابة علي سؤالك
لا هوه أنا مت
وشبحي هوه اللي كتب البوست ده
وهوه اللي هيكمله كمان

اشباح غاوية تدوين بقي
ههههههههه

منورة يا ياسمين

abo salah said...

فى القلب

هيا طريقة منطلقة اه
بس معايا انا

طريقة للوصول إلي الحانوتي بأسرع وقت
ههههههههه

منورة ياستي

abo salah said...

My Hope$

يابنتي موتسكل ايه بس
دا أنا بقولك عجلة وحصل كده
امال لو موتسكل بقي

هوه ايه الكرنك دا كمان
معبد الكرنك بتاع الاقصر
هوه بيتركب دلوقتي
هههههههه

ايه الاستغلال ده؟
دي كوسة صحيح
هوه انتي عشان بتدرسي أثار تقومي تركبي معبد الكرنك

علي كده بقي
أنا اركب جرنال بقي
ههههههه

شكل الكرنك ده حاجة بعجل

انتي كمان عندك ايام ولا علي البال اهوه

يالا
الف حمد الله علي سلامة الوصول

abo salah said...

الخيط الرفيع

ماهوه عشان كده مارضتش اكتب اليوم كله علي بعضه عشان التطويل ده

هوه في الطبيعي بشيك علي البلوجات كلها تقريبا كل يوم والله

ولكن انا دلوقتي في فترة الغير طبيعي
عامة
مسافة السكة هأكون عندك

منورة بلوجي المتواضع دائما

abo salah said...

Che The Sad

صديقي ابو حميد

عُلم ياباشا
وهينفذ ان شاء الله

abo salah said...

ليمت

ياخبر ابيض
ليمت لتاني مرة في مدونتي المتواضعة
لا بقي دا انا شكلي هأخد علي كده
وهاستناكي علطول

هيا ايه ان شاء الله اعمالكم دي .. محسساني اني كل يوم اقتلي عشرة عشرين واحد
ههههههههه

وبعدين ياأمي العجل أبو سنادات ده معمول عشانك انتي .. دا اساسا لو طولتي توصلي للبدال
انصحك بركوب اسكوتر

طيب ماشي ياستي شهادتك دي اعتز بيها
وربنا يخليكي علي كلامك الجميل ده

اكيد الجمعة دي مش هتحرك من السرير
اديكي شوفتي الاسبوع كان عامل ازاي
اسبوع مايعلم بيه الا ربنا

وان شاء الله هاكتب بقية البوست بالليل
منورة دايما ياليمت

abo salah said...

كفراوى

ياعم ومين قال بس اني مابعرفش اركب عجل

بس بقولك بقالي 10 سنين ماركبتش
عايزني اعمل ايه اطير بيها يعني
ههههههه

منور ياكفراوي

abo salah said...

SunShine

انا عارف اني اتاخرت اوي فعلا
بس والله غصب عني

ان شاء بالليل يكون بقية البوست موجود

abo salah said...

sahr

ايه ياسهر
ماقولتليش يابنتي هتعملي ايه في حكاية المسابقة دي

يالا بقي شدي حيلك عشان اخر ميعاد يوم 25 الشهر ده

وربنا يوفقك

sahr said...

ازيك ياابو صلاح
اخبارك ايه
مسابقة ايه اللي انت بتقول عليها؟
انا دخلت بص وطل ملقتش حاجة
ياليت تقولي
انا عارفه حظي بس يعني اهو نجرب وخلاص
ومعلش انا اضطريت اقفل امبارح
متتأخرش عليا بقى
ماشي

sahr said...

انت هنا يابني؟

abo salah said...

كلمات تأتى وتختفى فجأة

وعليكم السلام ورحمة الله وبركاته

ربنا يخليكي علي سؤالك الجميل ده
انا الحمد لله بخير

مش عارف اعمل ايه مع الايام العجيبة دي
شكلي هأعمل كتاب 1000 يوم ويوم ولا علي البال
ههههههههه

ماأنا بقي خدت العجلة وأنا فرحان ونسيت خااااالص اني اجربها

منورة البلوج المتواضع دايما

sahr said...

ياابو صلاح
دوختني وراك
هابعت حد ينادي عليك قريب

abo salah said...

sahr

ياسهر انا هنا اهوه والله

انتي ازيك عاملة ايه
وايه اخبارك

طيب بصي ان هاجبلك اللينك بتاع المسابقة دلوقتي اهوه

لا ان شاء الله تكسبي
ماتستقليش بنفسك يابنتي والله
انا كنت فاكرك موهبة بس
بس بسم الله ماشاء عليكي طلعت اكتر من كده كمان

sahr said...

مستنية
مستنية
مستنية

abo salah said...

sahr

خدي ياسهر
اللينك اهوه
اقري بقي الشروط عشان تعرفي كل حاجة
هيا الشروط سهلة خالص
ويالا بطلي دلع وابعتي بسرعة
هتلاقي
التفاصيل كلها

http://www.boswtol.com/modules/nfirstword_169_03.html

وربنا يوفقك وتكسبي ان شاء الله

abo salah said...

sahr

http://www.boswtol.com/modules/nfirstword_169_03.html


ده تصحيح اللينك عشان اللي فات ناقص حرفين من الأخر
الام والال

sahr said...

شكرااااااااااااااااا اوي

abo salah said...

sahr

الشكر لله ياسهر

يالا بقي
النهارده 17 اهوه

ادامك اسبوع تقريبا
بس ماتزنقيش نفسك وحاولي تبعتي بدري شوية

وتفاءلى كده وأن شاء الله تكسبي

sahr said...

ماشي
بس دعواتك معانا بقى
انا لو مكسبتش هاحبط ان شاء الله وانا مش ناقصه
دي الحاجة الوحيدة اللي شايفة نفسي نافعه فيها
انا مش بشترك في اي مسابقة في الكلية خوفا من الفشل
ادعيلي بقى

abo salah said...

sahr

لا ان شاء الله تكسبي
وربنا مايجيب احباط

وانا اساسا لو مش شايفك ادها ماكنتش قولتلك
واديكي شوفتي كمان اراء اصدقائي المدونين عن موهبتك
يعني مش انا لوحدي

يعني انا مش باجاملك خالص
وعندي احساس ان شاء الله انك تكسبي

بإذن الله
تأخدي المركز الأول كمان

sahr said...

ماشي
هاقوم اعمل غداء
اتفضل معانا بقى

abo salah said...

sahr

شكرا ياستى

ألف هنا وشفا مقدما

Che The Sad said...

ابو صلاح

البلوج بتاعى اتهاك عليه الجديد اهو
http://cheeeeez.blogspot.com/

تشي

ما علينا said...

خلاص
انت هاتحطلي يستكمل

وانا هاستخدم حقي البلوجري
وامتنع عن التعليق

الى ان احظى بالقصة كاملة

وعدم تعليقي يكون اسلم

ماشي


وكويس لي ولك انك مش قدامي فعلا

abo salah said...

Che The Sad

أيه ياأبو حميد ده ؟

شكل البلوج بتاعك بقي مطمع .. والعين عليه

معلش ياباشا .. سيبك منهم
عالم فاضية بقي

وصلني البلوج الجديد ياباشا
وسلامتك من الهاك

abo salah said...

ما علينا

ههههههههه
أيه ياماعلينا ده ؟
هوه انا يابنتي زعلتك في حاجة ؟
ايه الدخلات الجامدة دي

قلبك طيب ياستي

وبعدين حقوق بلوجرية ايه اللي بتتكلمي عنها دي
الحقوق دي تتبعيها مع مدونات الغير مش مع مدونتك

ياستي دي مدونتك زي ماهيا مدونتي بالظبط

طيب ايه رأيك بقي
هاحطلك يستكمل وهاستني تعليقك برضه
ولو ماعلقتيش مش هاطلع بالمكروباص .. قصدي مش هاطلع بالباقي الا لما تعلقي

دا أنا اقدر اقول بقي
اني لو ادامك كنتي قتلتيني مش ضربتيني بس

Unknown said...

هههههههههههه
كده برضه يا ابو صلاح
يا جدع فى اختراع اسمه عجله بسنادات
يعنى بعجلتين زياده ورا
ربنا يجيب العواقب سليمه

و القادم....أجمل said...

ههههههههه

جميلة اووووي القصة
بجد رااااائعه
و اسلوب العرض جميل جدااااااااا

:)

تقديري

Unknown said...

ياراجل حرام عليكوا ياراجل

مابتعرفش توجفها مابتعرفش توجفها ايه اللي خلاك تفكر في الفكرة دي من الأول لما مابتعرفش توجفها

الفيلم ده رغم انه مش قوي يعني بس باحبه جدا


الا قولي هو كدة يبقي الكلام ده حصلك بحق وحقيق؟ وماعرفتش توجفها بجد؟

ياخبر علي الله تكون بخير

abo salah said...

لماضة

ازيك يالماضة
دايما منوراني رغم تقصيري معاكي
ربنا يكرمك ياستى

ماهوه ماكنش في عند العجلاتى العجل ابو سنادات ده
وبعدين حتى لو لقيت ماكنتش هاخدها
انتى ناسية ان العبد لله دايما يعمل عنتر
هههههههه

abo salah said...

ولـاء

اولا ياستى اتشرف بزيارتك الاولي الجميلة دي لمدونتي المتواضعة

واتمني انك دايما تنوريني وماتكنش أخر مرة

ثاينا ياستى
ربنا يخليكي علي كلامك الجميل ده
وشهادتك اعتز بيها

ويارب دايما منورانى

abo salah said...

fanan fa2eer

صديقتى العزيزة اللي انا دايما مقصر معاها
ودايما هيا اكرم منى

اتمنى انك تكونى بخير وباحسن حال
وانك تكونى عملتى كويس فى امتحاناتك وربنا يوفقك
ويجعل الامتحانات علينا كلنا بردا وسلاما

ماهو انا بقي مابعرفش اوجفها من غير فرامل
شوفتى الفذلكة

وانا كمان باحب الفيلم ده

ايوه طبعا الجكاية حصلت حقيقي ماأنا منحوس من يومى
هههههههه

دا كمان لسه التقيل جاي ورا .. الاحباط كله
ههههههه

انا بخير ياستي والحمد لله
اشكرك على سؤالك الغالى