نعم .. لقد اخترت الرحيل
اخترت الرحيل لأننى لم أجد بديل
انتظرت كثيرا أن يكون هناك تبديل
اخترت الرحيل لأننى لم أجد بديل
انتظرت كثيرا أن يكون هناك تبديل
ولكنك فضلتى أن تكونى بلا تغيير
حدثتك مررا أننى فى ألم طويل
من سوء معاملتك دون تبرير
أعطيتك الحب والاخلاص والحنان الجميل
حدثتك مررا أننى فى ألم طويل
من سوء معاملتك دون تبرير
أعطيتك الحب والاخلاص والحنان الجميل
كان المقابل دوام جرحك لى دون تفكير
إستهانتك بمشاعرى جعلتنى فى ألم مرير
ولم يكن لإحساسى عندك أى تقدير
كلمتك كثيرا أننى منذ زمن وأنا أسير
للحزن والشقاء والجرح أجير
شعرتى بالذنب ووعدتى بالتغيير
شعرتى بالذنب ووعدتى بالتغيير
انتظرت .. وانتظرت .. وانتظرت
ولكنى ما لاقيت
ما لاقيت منك غير جراح
وتأكدت أنه لا طائلة من الصياح
وتأكدت أنه لا طائلة من الصياح
أنتى كما أنتى
وأنا سئمت من الجراح
وحل العذاب والحزن محل الأفراح
وأدركت أنى انسان
انسان يحمل كيان
كيان لا يقبل بالكتمان
تكلمت
صرخت
عاتبت
وحينما قررتى ان تكونى أنتى
أنا ايضا قررت أن أكون أنا
ولذلك قررت الرحيل
38 comments:
لحقت اول كومنت
هاروح اقرأ وارجع تاني
معلش يا سهر يمكن اكون انا اول تعليق بجد على ما تروحي و تيجي
احمد
كلامك صعب قوي
و في معاناه حسيتها في كل كلمه
يا رب يكون كلام على الورق بس
هدعيلك كتير ايا كان
زيزي
ربما يكون احسن حل هو الرحيل
في وقت ليس لة بديل
ولكن ليس الحل الاخير
كلماتك جميلة جدا وتعبيرك رائع كالعا\ة يا ابن الناظر
سلام
مني
ماي هوبس
اصعب احساس فعلا لما يفضل الانسان يدى وميلاقيش تقدير من اللى ادمه
كلماتك معبره اوى ماشاء الله
ده اول مرور ليا بمدونتك حبيت اسجل اعجابي بيها
ربنا يكرمك
السلام عليكم
مش عارفه كلامك هو اللي خلاني ابكي ولا انا كنت بتلكك
صعب اوي انك تبقى محطوط في الموقف ده سواء المظلوم او الظالم
يارب فعلا محدش يتحط في الموقف ده
ربنا يوفقك يا ابو صلاح
اممممممممممممم
برافو عليك ياابو صلاح تستاهل ساندوتش مربى بالجبنة القديمة
قرار شجاع بس لازم تكون اده وماترجعش بعد كده تندم عليه
ممكن مكنش فيه خيار تاني بس قرار صعب والاصعب منه اللي هيجي بعده
اقولك سر بيني وبينك انا كمان قررت القرار دا في وقت من الاوقات
المهم يارب ما تندم
بجد بعد البوست ده
انا اللى أقولك اسف وبكب شجاعه وإصرار علشان مش وقفت جنبك
سيبك انت بجد
هو أنا كنت هنا من 10 تيام كده تقريبا وقريت يوم ع البال 3
اخيرا كملتها
بص انت ف القصه فظيع مافيش كلام
اسلوبك خرافه
---
ف الشعر يعنى احساسك حلو أوي
بس التزامك بقافيه واحده مضعف المعني
بس قرارك مليان عزه نفس
بعد طول جرح .. انت صبرت كتير أكيد
---
ياريت نكون صحاب
ايه الاخبار
طمني عليك
sahr
ماشي ياستي
اقري وابقي ارجعى براحتك
البيت بيتك
Meekness !!!
يارب ما أكونش تسببت بكلامى فى ضيقك يا زيزي
وفعلا ربنا يخليكي أنك هتعمليلي أحسن حاجة
أنك هتدعيلي
وقدر الله وماشاء فعل
منورة يازيزي
My HoPe$
ساعات لما يبقي مفيش ادامنا غير الحاجات اللي ماكنوش نتمناها نضطر ان نقابلها بنفس راضية حامدين الله راضيين بقدره
ربنا يكرمك علي كلامك الحلو دا
وعلي فكرة
أنا اساسا مليش في الشعر ولا أنا ضليع فيه
بس عبرت عن احساس
أدام الله عزك يامني
....سمسمه
عارفة يا سمسمة اللي اصعب من دا ايه
اللي اصعب منه انك لما تفضلي تدي وتدي وتدي وما تلاقيش
وكمان تتمادي في دا
تخيلي أنك بتوصلي لمرحلة اللي حواليكي يعاملوكي علي الأساس دا وكأنه خلاص اصبح فرض عليكي أنك تدي وماتأخديش لأنهم متعودين علي كده من زمان
متهيالي دي أصعب بكتير لأن وقت ما هتدي لنفسك شوية هيتقال عنك انك اتغيرت
ربنا يخليكي يا سمسمة
وأنا ومدونتى تشرفنا بمعرفتك
وتمنياتي بدوام التواصل
bota
وعليكم السلام ورحمة الله وبركاته
أنا أسف يا بوتا أن كنت تسببت في بكاءك
والله مش قصدى
ليه المظلوم فضل يستنى وفضل يجي علي نفسه ملايين المرات لغاية ماساب نفسه يتألم ويتظلم للدرجة دي
وليه الظالم ما اخترش الا اكتر حد حبه في الدنيا واكتر حد عامل فيه ربنا سبحانه وتعالي عشان يظلمه ويكون السبب في شقاؤه
يارب محدش يتحط في الموقف دا
وربنا يعزك وأشكرك علي دعوتك الجميلة يا بوتا
sahr
بصي يا سهر
الندم عامة مرتبط بوجود خيارين أمامك
اخترتي واحد فخسرتي فندمتى أنك ما اخترتيش التاني
كويس كده
وبرضه لو مش ادامك غير طريق واحد فبرضه في خيارين هوا اني اتبع الطريق الوحيد دا .. او ما اتبعوش خالص
ولو لقيت الطريق دا انا عايزه وحبيته بس للأسف كله عقبات وسبته
ممكن ارجع اندم
لكن لو حاولت فيه وحاولت وحاولت اني اصلح الطريق ومفيش فايدة يبقي فين الندم
عارفة ساعتها هيبقي مفيش ندم ليه
لأن اساسا مفيش خيارين
دا علي اعتبار
أن ظلمك لنفسك .. ماينفعش يكون خيار
وأن استحقارك لعجزك وضعفك .. ما ينفعش يكون خيار
واعطاء كل ما تملكين دون مقابل .. ما ينفعش يكون خيار
تحقيرك من مشاعرك .. ما ينفعش يكون خيار
دهسك لكرامتك .. ما ينفعش يكون خيار
يارب تكوني فهمتي حاجة من التخاريف دي
S@G!
لا يا مصطفي أنا مش قابل اعتذارك لأنك اساسا مش المفروض تعتذر
لأن مهما كانت قسوة الظروف اللي أنا كنت فيها
فأنا برضه مقر ومصر أني قصرت وغلطت في حقك
وأنا كنت أنت اللي جاي دلوقتي تعتذر مع أني أنا اللي أولي بالأعتذار ليك .. فدا شئ من نبل أخلاقك
والله يا مصطفي كلامك الكبير عن كتاباتي دا بيخليني مخجل لأني مش عارف أرد عليه ازاي
وبجد كلام بيشجعني
وبيخليني أسال الله دايما أنه يجعلني عند حسن ظن عباده
لا في الشعر مش محتاج قواله ... الاعتراف بالحق فضيلة
أنا عارف أني في الشعر ابيض يا ورد
وأنا مكنتش هنا باسعي اني اكتب شعر
علي اد ما باسعي اني اعبر عن احساس مستندا علي جدار مبني الشعر لا أكثر
وعن سؤالك بتاع ياريت نكون أصحاب
فأنت عارف ردي عليه
ومتأكد أن دا شئ يشرفنى ويفرحني
زي ما أكتر حاجة فرحتني النهارده لما لقيت ردك عندي بما يعني قبولك اعتذاري بعد ما كنت متوقع انك هتتطردني من مدونتك
وتقول هوا لسه فاكر من 6 شهور
ههههههههههههههه
وأدام الله صداقتنا
Meekness !!!
مش عارف بس اقولك ايه
جاية بنفسك للمرة التانية عشان تطمني عليا وتسألي عن أخباري
بجد أن يكون ليكي حد قريب أو صديق يسأل عليكي أو حب الناس بوجه عام دا أكبر نعمة
ربنا يرزقنا جميعا هذه النعمة
أنا كويس الحمد لله رب العالمين يازيزي
ياللي دايما بتحرجيني بذوقك وأخلاقك
ويارب أنتي اللي تكوني بخير وسعادة دايما
أنا فاهمه كل كلامك وصح انا معاك بس انا اللي اقصده بعد ما تأخد القرار دا بيجيلك وقت عندك حنين اوي واشتياق كبير في اللحظة دي بتندم مبيبقاش فيه غير يالتني ياليتك ياليت مع انك صح وعارف انك صح ومكنش فيه خيار تاني غير كده بس برده
يلا بقى الحمد لله
كله بيعدي
وكما تدين تدان
فاهم انت حاجة
sahr
ابقي كداب لو قولت ماعندكيش حق في اللي قولتيه عن الحنين والأشتياق
بس ساعتها برضه مش أنا اللي هأقول ياليتني لأنى اكتفيت من المحاولات
لكن ممكن اقول ياليتها
لكن المهم انا احنا نقتنع بأنه
وعسى أن تكرهوه شيئا وهو خير لكم
وقدر الله وماشاء فعل
sahr
أنا فاهم ياستي ماتخافيش
المهم
أنتي اللي فاهمة حاجة ؟؟
هههههههههههههه
بجد كلام جميل جدا
واحساس هايل ياابو صلاح
تعالى هنا بقا وقولى
انت واحشنى ياواااد
طمنى عليك عامل ايه
مفيش سؤال على حبيبك دا انت طلعت وحش
مستنيك فى مدونتى يانجم
الرحيل بيبقى صعب جدا ومش حل نهائى , بس فى الحالة دى الرحيل احسن حل
ابو صلاح يااااااااااه
ازيك غيبتك كانت طويله قوي
وما كنتش بتسيب اي خبار عنك
افتكرتك اعتزلت التدوين
بس الحمد لله رجعت تعبر عن مكنوناتك بكل عفوية وبساطة وعمق
وليا في الموضوع كلام لما بتكون واحد بس اعمل ما يحلوا لك واطلب ما تريد انت فقط
وعندما يتغير الامر
فهناك مركب جديد سيتكون
لازم تهتم تفهم اللي ادامك وتحطه في اعتباراتك
مش لازم يكون كما تريد بالمسطرة
كدا تبقي انت عاوز المسطرة مش الشخص
حط الفكرة دي في دماغك
مع تعبيرك عما تريد بس مش بالاوامر
ومحاوله الوصول لمساحات اتفاق مشتركة
سواء كان الاخر شريك في عمل او صديق او اهل او حبيبه
كله واحد
واعطي من تريد عطاءة ما يريد تحصل علي اكثر مما تريد
حقيقي انا سعيدة انك رجعت من تاني
ربنا يسمعني عنك كل خير اخويا العزيز والله يبارك فيك شكرا
أزيك يابوصلاح عامل ...
جميله قوي الكلامات دي بس حسيت إن هي مقيدة بالقافية ...أطلقها ياعم للريح ..أنا أفض أكثر أننا عندما نكتب ..يكون الشعر حراً ...لكن أهم حاجه إن فكرتك وصلتلي ..وحسيتك قوي من خلال تكرار بعض الكلمات ...معلش بقى يابوصلاح غبت عليك
مواطن زهقان
ياااااا أبو حميد بنفسه فى مدونتى
فينك من زمان ياراجل
اه أكيد الثانوية العامة
يارب تكون عديت منها بخير
وأنت والله وحشنى
معلش أنا عارف انى مقصر معاك
بس للدقة مش معاك انت لوحدك
لأنى كنت منقطع عن التدوين ولسه راجع من فترة
وشكرا على كلامك الجميل دا يا أحمد
زى الهوا
معاكى حق فى أن الرحيل بيبقى صعب جدا ومفيش حد بيتمناه
ولكن
ليت كل ما يتمناه المرء يدركه
منورة يا زي الهوا
وزياراتك بتسعدنى جدا
الخيط الرفيع
فعلا يا صاحبة الخيط
أنا كنت منقطع عن التدوين فترة بسبب شوية ظروف صعبة
بس الحمد لله ادينى رجعت
ويارب انتى كمان تكونى رجعتى
وما تغيببيش تانى
وبخصوص رأيك
فكلامك كله صحيح وأنا احترمه
بس هوه بعيد أوى عن الحالة اللى باعبر عنها فى البوست دا
لأنى ولا عايز المسطرة ولا عايز اعبر عن ما أريد لأن ما أريده ليس خياليا ويحتاج التعبير
واختلف معاكي فيما قولتيه عن انك تدي عطاء للناس اكثر مما يريدوا عشان احصل علي اكثر مما اريد
للأسف مش كل الناس يمشى معاها قاعدتك دي
لأن فى ناس ممكن ماتقدرش عطاءك دا
وبتبقى بكده بتظلمى نفسك
حقيقي أنا اللى اسعد برجوعك من تانى
وبنجاحك
والف مبروك مرة تانية
ودايما منورانى
Hu-man
بجد وجودك فرحنى أوي
وكنا مفتقدينك
ما تغيبش علينا بقي تاني
اتفق معاك في كونها مقيدة بالقافية
بس زي ماقولت انا مش ضليع في كتابة الشعر
ومكنتش باسعى أني اكتب شعر
أنا كنت عايز اعبر عن حالة باسلوب ما
قام في الأخر طلع كده
وأشكرك على كلامك الجميل
ومنور دايما
وربنا ما يحرمنا منك
ولو في يوم راح تنكسر
لازم تقوم كما النخل باصص للسما
ولا انهزام ولا انكسار
ولا خوف ولا حلم نابت فى الخلا
قرار تمام جدا ودا زي ما بيقولوا قرار البداية بداية شموخ زى النخل على رأي منير
بص الكلام عاجبني جدا بس وانا بقرأ لسه ناقص حته اعتقد كان بالامكان احسن مما كان
مستني المرة الجاية توصل للبيرفيكت
سلام يا جميل
تشي
عارف كمان
كنت ممكن ابقي اول كومنت جيت بعد ما انت نزلته على طول بس المود مكنش مستحمل تعليق ولا قراية الحقيقة
تستحق ان اعتذر عن ضلك :D
تحياتي
تشي
Che The Hermit
الله يا تشى
منيييييييييير
الاغنية دي كانت غايبة عنى
واول ما قرأت تعليقك افتكرتها وقرأت كلامك مرتين
ان شاء الله المرة الجاية يكون بالأمكان احسن مما كان
وشكرا لكلامك الجميل دا يا أحمد
Che The Hermit
ياراجل ولا اعتذار ولا حاجة
مفيش بنا الكلام دا احنا اخوات
وأنا مقدر انك مكنتش في المود
وان شاء الله ربنا يزيح همك
وبعدين اول تعليق ولا اخر تعليق
دا مدونتك براحتك يعني
اهم حاجة
انك تكون موجود
وربنا ما يحرمنا منك
عارف بعض منهم بيحبونا
عشان حب الإمتلاك
و كأن حبنا ليهم فرض
التمرد على الوضع دا
بداية مشرقة لحياة جديدة
و لكن يبقى جرح
في القلب
فنكتب بخط كبير
" ممنوع الإقتراب أو اللمس "
شعر راااااائع
و قوي جدااااااا
دمت مبدعا
و القادم....أجمل
وكأن حبنا ليهم فرض
ياااااااااا فعلا دي المشكلة
وياريت علي كده وبس
ممكن يتحول عطاءنا دون مقابل لفرض برضه
اسعدتنى زيارتك جدا
وأتمنى أن تتكرر
وأشكرك علي كلامك الجميل
ابو صلاح ابن الناظر
رحيل
اسم جااااااااااااامد مووت
احييك علي اختياره للبوست
الكلمات حلوه جدا ...... وعجبني اول جزء بتاع وصفك للشخص انه اختار الرحيل وخد القرار بعد معاناه وصراع مع نفسه ..... وبعدين فسرت هو خد القرار دة ليه
وعجبني الجزء الاخير جدا وعندما قررتي ان تكوني انتي ....انا ايضا قررت ان اكون انا
عارف انا جالي احساس اول ما قريت البوست بشخص بيفتكر المرحله دي كانها شريط سينما..... اول جزء وهو لسه بياقسي من جرحها ليه .... تاني جزء بيبدأ مرحله اللا توازن العاطفي والحياتي..... تالت جزء بيبدا يتقبل الامر الواقع
بجد اكني بتفرج علي فيلم سينما بس في اقل من نص صفحة
هايل يا ابو صلاح ومن تقدم لتقدم انشاء الله
عبد الرحمن أبو بكر
منور يا فنان
وربنا يعزك على كلامك الجميل دا
وشهادتك دى مصدر فخر
عندك حق يابوب
هوا اختار الرحيل وخد القرار بعد معاناة وصراع طويلة .. لكن هوا مكنش يتمنى النهاية دى
ولا تخيل الرحيل يوما ما .. بس اتضح انه لا اختيار
مرحلة اللا توازن العاطفى وحياتى
جملتك دا ان دلت على شئ تدل على ان القسوة تتسبب فى تنغيص الحياة كلها وليس العاطفة بس
اسعدنى تعليقك يافنان
ومنور مدونتك التانية دايما
ارحل فلم اطلب منك البقاء
ارحل فقد كان مصيرنا للشقاء
ارحل فمنذ البداية
و أنا أرى النهاية
لا أعرف لماذا احسست من وصفك لها أن ذلك سيكون ردها..كلماتك قوية و قرارك بالرحيل أقوى نهاية
just me
سعيد بزيارتك الأولى
وأتمنى أن تتكرر
أشكرك على كلامك الجميل
وتمنياتى بدوام التواصل
Post a Comment